क्यानलाई निलम्बन गरे पनि नेपाललाई अन्तर्राष्ट्रिय प्रतियोगिता खेल्न दिनु सही हो: आईसीसी

काठमाडौं । नेपाल क्रिकेट संघ क्यान लाई निलम्बन गरे पनि नेपाली खेलाडीलाई अन्तर्राष्ट्रिय प्रतियोगिताहरूमा भाग लिन दिने निर्णय सही सावित भएको अन्तर्राष्ट्रिय क्रिकेट काउन्सिलका एक उच्च अधिकारीले बताएका छन् ।

आईसीसीका अन्तर्राष्ट्रिय विकास प्रमुख विलियम ग्लेनराइटले संयुक्त अरब इमिरेट्सबाट प्रकाशित हुने ‘द नेसन’ पत्रिकालाई भने, ‘नेपालको क्रिकेट संघ अहिले निलम्बित छ तर आईसीसीको बोर्डले एउटा रणनीतिक निर्णय गर्दै नेपाली खेलाडीहरूलाई भने अन्तर्राष्ट्रिय प्रतियोगिताहरूमा भाग लिन दिइरहेको छ । हामीलाई के लाग्छ भने त्यहाँको क्रिकेट बोर्डले भोग्नु परेको व्यस्थापकीय चुनौतीहरूको असर खेलाडीमाथि पर्नु हुदैन ।’

गत वर्ष नेपालमा भएको अन्तर्राष्ट्रिय प्रतियोगिता हेर्न आफू नेपाल गएको र नेपालमा क्रिकेटप्रतिको मोह आफूले देखेको उनले बताए । ‘नेपाल हाम्रा लागि प्राथमिकतामा छ र हामी नेपाल क्रिकेट संघलाई फेरि आईसीसीमा फिर्ता ल्याउन लागि परेका छौँ’ उनले भने ।

नेपालले हालै नामिबियामा देखाएको प्रदर्शन आश्चर्यजनक नभएको पनि उनको भनाइ छ । ‘अहँ मलाई नेपालको खेल देखेर आश्चर्य लागेन । नेपालमा राम्रा क्रिकेट खेलाडीहरूको कमी छैन । राष्ट्रिय संघ नहुँदा खेलाडीहरूका लागि स्थिति सहज छैन तर हामीले सक्दो गरिरहेका छौँ । हामीले गर्ने कामले क्रिकेट संघ को ठाउँ लिन सक्दैन’ ग्लेनराइटले भनेका छन् ।

ग्लेनराइटले नेपालले हालै पाएको सफलताको सम्पूर्ण श्रेय नेपाली खेलाडी र कोचहरूलाई जाने पनि बताए ।

नेयमार रियलविरुद्धको खेलमा फर्कने जिदानको आशा

म्याड्रिड (एजेन्सी)– पेरिस सेन्ट जर्मेन (पिएसजी) का सुपर स्टार चोटग्रस्त नेयमार च्याम्पियन्स लिगको अन्तिम १६को दोस्रो लेगमा फिट भएर फर्केने रियल म्याड्रिडका प्रशिक्षक जिनेदिन जिदानले आशा व्यक्त गरेका छन् । रियल र पिएसजीबीच मार्च ७ मा दोस्रो लेग हुँदैछ ।

आइतबार लिग १ मा मार्सेविरिुद्धको खेलमा नेयमारको घुँडामा चोट लागेको थियो । पिएसजी ३–० ले जितेको खेलको ७७ औं मिनेटमा मार्सेको खेलाडीको ट्याकलमा घाइते भएका नेयमार स्ट्रेचरमा मैदान छोड्न बाध्य भए ।

नेयमारको चोट क्लबका लागि धक्का भएको उल्लेख गर्दै जिदानले सोमबार पत्रकार सम्मेलनमा भने, ‘म चाहन्छु हामीसँगको खेलमा नेयमार फर्किउन । कुनै पनि खेलाडी घाइते नहुन भन्ने मेरो चाहना हो । मलाई आशा छ उनी पूर्ण रुपमा ठिक भएर फर्कनेछन् । ‘

रियल टोलीका अवस्थाका बारेमा जिदानले थपे, ‘हाम्रो चोटग्रस्त खेलाडीका बारेमा नयाँ जानकारी केहि छैन । सबै तीन खेलाडी मैदानमा फर्कन मेहनत गरिरहेका छन् । अहिले नै तत्काल पहिलो रोजाइमा पर्ने सम्भावना छैन । हाम्रोमा नयाँ कुनै समस्या छैन ।’

रियलका कप्तान सर्जियो रामोसको प्रदर्शनलाई लिएर भइरहेको आलोचनाको बचाउमा जिदानले भने, ‘रामोस हाम्रो नेता हुन् । उनी हाम्रो कप्तान हुन् । जसले उनको खेललाई लिएर शंका गर्छन् तीनले उनलाई आदर गर्दैनन् । क्लबका हरेक व्यक्ति उनलाई माया गर्छन् ।’

जान्नुहोस नेपाल र यूएई बिचको खेल लाइभ कसरि हेर्ने ?

आजहुन गइरहेको पहिलो आभ्यासमा नेपालले फेरी उही प्रतीद्वन्दी संग जितको लागि प्रतिस्पर्धा गर्दैछ। खेल नेपाली समय अनुसार ठिक १:१५ बाट सुरु हुनेछ। नेपालले यो खेलमा जित निकालेर प्रतियोगितामा सुखद सुरुवात गर्न चाहान्छ यसर्थ नेपाली टिमको मोमेन्टम बिउल्ड अप गर्न नेपालले यो खेल जित्नु पर्ने हुन्छ । कम्जोर ब्याटिंगको आजको कठिन परिक्षा हुने पनि देखिन्छ किनकि नेपालको फितलो ब्याटिंग प्रदर्शननै पछिल्ला खेलहरुमा हारको कारण बनेका छन् ।

नेपालको खेल लाइभ कसरि हेर्ने ?

आज हुन गइरहेकोने पाल र यूएईबिचको खेलको ब्रोडकाष्टिङ जिम्मा कुनै च्यानल ले नलिएको हुदा आजको खेल क्रीकइन्फो बाटमात्र लाइभ हुनेछ एसको मतलब आजको खेलमा नेपाली समर्थकले स्कोरर्कार्ड नै हेर्नुपर्नेछ तर प्रतियोगिताको पहिलो खेल ( जिम्वावे बिरुद्द ) को प्रतक्ष प्रशारण भने जिम्वावे किकेटको फेसबुक पेजमा हुनेछ।

साथै हामीले पनी हाम्रो फेसबुक पेजमा निरन्तर रूपमा अपडेट गराई राख्ने ।

आइसीसी विश्व कप: अभ्यास खेल अन्तर्गत नेपाल आज युएईसँग खेल्ने

आइसीसी विश्व कप: अभ्यास खेल अन्तर्गत नेपाल आज युएईसँग खेल्ने

आइसीसी विश्व कप: अभ्यास खेल अन्तर्गत नेपाल आज युएईसँग खेल्ने

काठमाडौं । आइसीसी विश्व कप छनोट अगाडिको अभ्यास खेलमा नेपालले मंगलबार (आज) युएईसँग प्रतिस्पर्धा गर्दैछ । जिम्बावेमा हुने खेल नेपाली समय अनुसार दिउँसो सवा १ बजेबाट सुरु हुनेछ । नामिबियामा केही दिन अघि आयोजित विश्व क्रिकेट लिग डिभिजन २ प्रतियोगिता अन्तर्गत विजेता बन्दै संयुक्त अरब इमिरेट्स (युएई) र दोश्रो स्थानमा रहेको नेपाल विश्वकप छनौट खेल्न लागेका हुन् ।

दुई साताको फरकमा नेपालल युएई तेस्रो पटक खेल्न लागेका छन । नामिबियामा भएको डिभिजन २ को खेलमा नेपालले समूह चरणमा युएईलाई ६ विकेटले पराजित गर्दा फाइनलमा ७ रनले हारेको थियो । फाइनलमा नेपालको जितमा कप्तान पारस खड्काले सतक प्रहार गरेका थिए ।

जिम्बाबेमा मार्च ४ देखि हुँने छनोट प्रतियोगितामा नेपालसहित १० राष्ट्र सहभागी छन । जसमा उत्कृष्ट हुने २ टिम विश्वकप खेल्न पाउनेछन । प्रतियोगिताबाट उत्कृष्ट ३ एसोसिएट रास्ट्रले एकदिवसीय रास्ट्रको मान्यता पाउनेछ।

नेपाल समूह ‘बी’ मा अफगानिस्तान, जिम्बाबे, हङकङ र स्कटल्याण्डसँगै रहेको छ। नेपालले पहिलो खेल फागुन २० गते आइतबार घरेलु टोली जिम्बावे विरुद्द खेल्दै छ। यस्तै लिग चरणको दोस्रो खेलमा नेपालले फागुन २४ स्कटल्याण्डको सामना गर्नेछ।

लिग चरणका अन्तिम दुई खेलमा नेपालले फागुन २६ मा अफगानिस्तान र फागुन २८ मा हङकङको सामना गर्नेछ। दोश्रो अभ्यास खेलमा फागुन १७ गते बिहीबार नेपालले हङकङको सामना गर्नेछ।

विश्वकै महंगा फुटबलर नेइमारको खुट्टाको हड्डी भाँचियो, केही खेल गुमाउने

विश्वकै महंगा फुटबलर नेइमारको खुट्टाको हड्डी भाँचियो

विश्वकै महंगा फुटबलर नेइमारको खुट्टाको हड्डी भाँचियो

काठमाडौं । विश्वकै महंगा फुटबलर नेइमारको खुट्टाको हड्डी भाँचिएको छ । उनी पेरिस सेन्ट जर्मेन पीएसजीबाट फुटबल खेल्दै आएका छन् । नेइमारले अब केही समय फुटबलबाट बिश्राम लिनुपर्ने भएको छ ।

गत अगस्ट महिनामा पीएसजीमा अनुवन्ध भएपछि नेइमारले ३० खेलमा २९ गोल गरिसकेका छन् । उनी त्यसअघि बार्सिलोनाबाट खेल्दथे । पीएसजीले २ सय मिलियन पाउण्ड तिरेर नेइमारलाई आफ्नो क्लबमा ल्याएको थियो जुन विश्वकै महंगो हो ।

फ्रेन्च लिगमा मार्सेविरुद्ध खेल्दा खुट्टामा चोट लागेर उनी घाइते भएका थिए । सो खेलमा पीएसजी ३-० ले विजयी भएको थियो ।

उपचारको क्रममा नेइमारको मेटाटार्सल भाँचिएको र कुर्कच्चाको हड्डीमा समेत चोट लागेको पाइएको छ । पीएसजी क्लबका फरवार्ड नेइमारले अब च्याम्पियनसीपको अन्तिम १६ का लागि रियल मड्रिडविरूद्ध हुने खेल गुमाउने छन् । किनकी उनलाई चिकित्सकहरुले केही दिन आराम गर्न भनेका छन् ।
साभार

केन्याका क्रिकेट कप्तान र प्रशिक्षकले दिए राजीनामा

काठमाडौं । विश्व क्रिकेट लिग डिभिजन टूू मा खराब प्रदर्शन गर्दै डिभिजन थ्रीमा झरेपछि केन्याका कप्तान र प्रशिक्षकले राजीनामा दिएका छन । हालै नामिवियामा सम्पन्न डिभिजन टू मा एक खेलमा पनि जित हात पार्न नसकेपछि कप्तान राकिप पटेलसँगै प्रशिक्षक थोमस ओडोयो र केन्या क्रिकेट बोर्डकी अध्यक्ष ज्याकी जनमोहम्मदले पद छोडेका हुन् । ६ टिम सहभागी प्रतियोगितामा केन्याले एक खेलमा पनि जित हात पार्न सकेन । तालिकाको पुछारमा रहँदै केन्या डिभिजन थ्रीमा घटुवा भएको थियो ।

गत मंसिरमा डिभिजन वानमा रहेको केन्या दुई महिनाको अन्तरमा डिभिजन थ्रीमा झरेको हो । डिभिजन ट ूमा केन्या युएईसँग २ सय १८ रनको भारी अन्तरले पराजित भएको थियो भने क्यानडासँग ५९ रनले, नेपालसँग ३ विकेटले, नामिवियासँग ८ विकेटले र ओमानसँग २ विकेटले पराजित भएको थियो ।

केन्याले सन् १९९६ को विश्वकप खेल्दा महत्वपूर्ण सदस्य रहिसकेका प्रशिक्षक ओडोयोले एक साता लामो नामिबिया भ्रमणले आफूमाथि नैतिक दवाब सिजर्ना भएको प्रतिक्रिया दिएका छन् । ‘हामीले खराब प्रदर्शनको रेकर्ड तोडेका छौं ।

केन्याको प्रदर्शनमा सुधार ल्याउनका लागि एउटा राम्रो सेट आउनु पर्नेछ ।’ ओडोयोले भने । क्रिकेट बोर्डको पहिलो महिला अध्यक्ष जनमोहम्मदले भनिन्, ‘राष्टिय टिमको यो प्रदर्शनको जिम्मा लिएको छु ।’ जनमोहम्मदले केन्या क्रिकेट बोर्डले नयाँ निर्वाचनमा गएर आगामी नेतृत्वको चयन हुने बताइन ।

त्रिभुवन आर्मीद्वारा ४–३ को गोल अन्तरले नेपाल पुलिस क्लव पराजित

मकवानपुर। तेश्रो हेटौंडा गोल्डकपको उपाधि त्रिभुवन आर्मी क्लबले हात पारेको छ । फाइनलमा नेपाल पुलिस क्लवलाई आर्मीले ४–३ को गोल अन्तरले हराएका हुन् ।

उपाधि जितेको आर्मिले पाँच लाख नगद, शिल्ड र प्रमाणपत्र हात पार्यो भने दोस्रो भएको नेपाल पुलिश क्लबले नगद तीन लाख, शिल्ड र प्रमाणपत्रमा चित्त बुझाइएका छन् । आठ वटा टिमको सहभागिता रहेको खेलमा त्रिभुवन आर्मीका विमल पाण्डे सर्बोत्कृष्ट खेलाडी भए । उनले नगद ५० हजार रुपैयाँ प्राप्त गरे । सर्बोत्कृट कोचको उपाधि आर्मीका नबिन न्यौपानले हात पारेको हो ।

उत्कृष्ट डिफेन्डर पुलिशका दिनेश राजवंशी, उत्कृष्ट गोलकिपर आर्मीका बिकेश कुथु, उत्कृष्ट मिटफिल्डर पुलिसका तेज तामाङ, उत्कृष्ट फरवार्ड प्रहरीका अभिषेक रिजाल घोषित हुनको साथै १५ हजार रुपैयाँ र प्रमाणपत्र पाएका छन्।

उच्च मनोबलका साथ २१ सदस्यीय नेपाली राष्ट्रिय क्रिकेट टोलि जिम्बाबे प्रस्थान

हरिशजङ्ग क्षेत्री
उच्च मनोबलका साथ एकदिवसीय विश्वकप क्रिकेट प्रतियोगिताको छनोट खेल खेल्न नेपाली राष्ट्रिय क्रिकेट टोलि शनिवार जिम्बाबे प्रस्थान गरेका छ्न। दुई साता अगाडी नामिबियामा सम्पन्न भएको आईसीसी विश्व क्रिकेट लिग डिभिजन दुईको उपबिजेता बन्दै नेपाली राष्ट्रिय क्रिकेट टोलिले जिम्बाबेमा हुने एकदिवसीय विश्वकपको छनोट चरणमा आफ्न दरिलो स्थान बनाएको थियोे ।

विश्वकप छनोटका लागि जिम्बाबे जाने नेपाली क्रिकेट टोलिमा २१ सदस्य रहेका छ्न। जस्मा १५ जना खेलाडी, ६ जना अफिसियल रहेको रहेका छ्न। खेलाडीहरुमा कप्तान पारस खड्का, उपकप्तान ज्ञानेन्द्र मल्ल, बसन्त रेग्मी, शक्ति प्रसाद गौचन, शरद भेषवाकर, सोमपाल कामी, करन केसी, मोहम्मद आरिफ शेख, सन्दिप लामिछाने, दिपेन्द्र सिंह ऐरी, विकेट किपर दिलिप नाथ, ललित भण्डारी, रोहित कुमार पौडेल, अनिल कुमार साह र ललित राजबंशी रहेका छ्न।
अफिसियलहरुमा नेपाली टोलिका प्रमुख प्रशिक्षक जगत टमाटा त्यसैगरी ब्याटिंग कन्सल्टेन्टको रुपमा भारतीय प्रशिक्षक उमेश पटवाल, भिडियो एनालिस्टको रुपमा सुरज शाक्य, टिम ब्यबस्थापक तथा टेक्निकल एनालिस्ट रमन शिवाकोटी, फिजियो दिनेश भट्ट र फिटनेस ट्रेनर सुबास पत्रो रहेका छन्।

प्रतियोगितामा सहभागी हुने टोलि
त्रिभुवन अन्तर्राष्ट्रिय विमानस्थलबाट “फ्लाई दुबई” को विमान मार्फत राति १०:४५ बजे जिम्बाबे प्रस्थान गरेका छ्न।
नेपालले प्रतियोगिता अघि २ वटा अभ्यास खेल खेल्नेछ। २७ फेब्रुअरीमा पहिलो अभ्यास खेल संयुक्त अरब एमिरेट्स (युएई) बिरुद्द र दोश्रो अभ्यास खेल मार्च १ तारीखमा हंगकंग संग खेल्ने छ।विश्वकप छनौट प्रतियोगितामा नेपालले पहिलो खेल मार्च ४ तारिखमा घरेलु टोलि जिम्बावे संग खेल्ने छ भने, दोस्रो खेलमा ८ मार्चमा स्कटल्याण्ड संग तेस्रो खेल मार्च १० तारीखमा अफगानिस्तान र १२ तारिखमा हंगकंग संग प्रतिस्पर्धा गर्ने गर्नेछ।
साभार

बार्सिलोना र रियल मड्रिडको गोल वर्षा, सुआरेजको ह्याट्रिक

काठमाडौं । स्पेनिस ला लिगा अन्तरगत शनिबारका खेलमा पावर हाउस बार्सिलोना र रियल मड्रिड दुवैले आ-आफ्ना खेलमा गोल वर्षा गरेका छन् । बार्सिलोनाले गिरोनामाथि ६-१ को जित निकाल्दा, रियल मड्रिडले अलाभेजलाई ४-० ले हराउँन सफल भयो ।

यस सिजनका अपराजित रहँदै शीर्ष स्थानमा रहेको बार्सिलोनाले फेरि अर्काे प्रभावशाली जित निकाल्न सफल भएको हो । बार्सिलोनाको घरेलु मैदानमा भएको खेलमा बार्सिलोनाको जितका लागि, सुवारेजले ह्याट्रिक गरे। उनले खेलको ५,४४ र ७६ मिनेटमा गोल गरेका हुन, मेसीले ३० औं र ३६ औं मिनेटमा गोल गरे भने फिलिप कान्टिन्होले ६६ मिनेटमा गोल गरे ।

गिरोनाका लागि मिलफिल्डर क्रिस्टियन पोर्चुले खेल सुरु भएको ३ मिनेटमा गोल गर्दै टोलीलाई अग्रता दिलाएका थिए । त्यही नै उसका लागि सान्तवना गोल बन्न पुग्यो ।

यस सिजनमा पछि परिरहेको पावर हाउस रियल मड्रिडले घरेलु मैदानमा भएको शनिबारको खेलमा अलाभेजमाथि ४-० को सानदार जित निकाल्न सफल भयो । रियल मड्रिडका लागि क्रिस्टियानो रोनाल्डोले २ गोल, ग्यारेथ बेल र करिम बेन्जिमाले एक-एक गोल गरे ।

रोनाल्डोले खेलको ४४ औं र ६१ औं मिनेटमा गोल गरेका थिए । बेलले ४६ औं र बेन्जिमाले ८९ औं मिनेटमा गोल गरेका थिए।शनिबारको खेलसँगै २५ खेलबाट ६५ अंकका साथ बार्सिलोना शीर्ष स्थानमा कायमै छ । २४ खेल खेलेको यथ्लेटिको मड्रिड ५५ अंकसहित दोस्रो स्थानमा छ । २५ खेल खेलेको रियल मड्रिड ५१ अंकसहित तेस्रो स्थानमा र २४ खेल खेलेको भ्यालेन्सिया ४६ अंकका साथ चौथो स्थानमा रहेका छन् । बुधबार लेगानेजमाथि जित निकाल्दै भ्यालेन्सियालाई पछि पारी रियल मड्रिड तेस्रो स्थानमा उक्लिएको थियो ।

शनिबारका ला लिगाका अन्य खेलमा सेल्टाभिगोले इआइबरलाई २-० ले हरायो । लेगानेज र लस पाल्मसले गोलरहित बराबरी खेले।

स्वारेजको ह्याट्रिक र मेस्सीको दुई गोलसँगै जिरोनाविरुद्ध बार्सिलोनाद्धारा गोलको वर्षा

काडमाडौँ । स्पेनिस लिग अन्र्तगत गएराती भएको खेलमा लिग लिडर बार्सिलोनाले जिरोनासँग ६–१ गोल अन्तरको जित निकालेको छ । जितसँगै बार्सिलोनाले दोस्रो स्थानको एथलेटिको मड्रिडसँगको दूरी १० अंकमा लम्ब्याएको छ ।

स्पेनिस लिग अन्र्तगत गएराती भएको खेलमा जिरोनाले दोस्रो मिनेटमा नै लिएको अग्रताविरुद्ध घरेलु टिमले ६ गोल गरेको थियो । लुइस स्वारेजको ह्याट्रिकसँगै लियोनेल मेस्सीले २ गोल गरेका थिए भने फिलिपे काउटिन्होले पनि एक गोलको योगदान दिए । तेस्रो मिनेटमा पोर्तुले गोल गर्दै जिरोनालाई अग्रता दिलाउँदा घरेलु समर्थक स्तब्ध भए । तर त्यो अग्रता दुई मिनेटभन्दा बढी टिक्न सकेन । पाँचौं मिनेटमा स्वारेजले गोल गर्दै खेल बराबरीमा पु¥याए ।

३० औं मिनेटमा लियोनेल मेस्सीले गोल गर्दै बार्सिलोनालाई २–१ को अग्रता दिलाए । ३६औं मिनेटमा मेस्सीले उत्कृष्ट फ्रिकिक गोल गरे भने ४४औं मिनेटमा स्वारेजले व्यक्तिगत दोस्रो गोल गर्दा पहिलो हाफ अघि बार्सिलोनाले ४–१ को अग्रता लिएको थियो । ६६औं मिनटमा फिलिपे काउटिन्होले बार्सिलोनाको खातामा पाँचौं गोल थपे भने ७६औं मिनेटमा लुइस स्वारेजले ह्याट्रिक पूरा गर्दा बार्सिलोना ६–१ को विजयी भयो । जितसँगै बार्सिलोनाले दोस्रो स्थानको एथलेटिको मड्रिडसँगको दूरी १० अंकमा लम्ब्याएको छ । जिरोनाको भने ३४ अंक छ ।