धनगढीमा क्रिकेटको क्रेज !

धनगढी, १० चैत : क्रिकेट खेलका गतिविधि बढ्दै जाँदा प्रदेश नं ७ को राजधानी धनगढी शहरको पहिचान र चिनारी क्रिकेट खेल बन्न थालेको छ ।

पछिल्लो समय खेलसँगै हजारौँ दर्शक जाडिन पुगेका छन् । क्रिकेट खेल्ने ‘मूर्ख’ र हेर्ने ‘महामूर्ख’ भन्ने भनाइ चले पनि पछिल्लो समय बढेको क्रिकेटको ‘क्रेज’ले सो भनालाई गलत सावित गर्दै क्रिकेट खेल्ने र हेर्ने दर्शक पनि बढाइदिएको छ । “चार दिवसीय वा पाँच दिवसीय क्रिकेट प्रतियोगिता हुने समयमा यस्तो धारणा समाजमा थियो”, पूर्वक्रिकेटर धरम खड्काले भन्नुभयो, “एक दिवसीय र २०/२० खेल खेल्ने चलनसँगै यो धारणा अब पुरानो भइसकेको छ ।”

खड्काले अप्रत्यक्ष रुपमा भए पनि क्रिकेटको प्रवद्र्धनमा सहयोग पु¥याउने उद्देश्यले धनगढीको वनदेवी रोडमा सञ्चालन गर्नुभएको ‘द क्रिकेट क्लासिक होटेल’मा प्रवेश गर्दा त्यहाँका टेबल, क्याविन र सुत्ने कोठा क्रिकेटको अवधारणमा तयार पारिएको देख्न सकिन्छ । क्रिकेटप्रति बढेको आकर्षणसँगै यस क्षेत्रमा खेलका प्रतियोगिता आयोजना हुने क्रम बढ्दै गएका छन् । हालै कैलालीको अत्तरियामा सर्वाधिक धनराशि पुरस्कार भएको महिला क्रिकेट प्रतियोगिता तथा क्लब र विद्यालयस्तरीय थुप्रै प्रतियोगिता सम्पन्न भइसकेका छन् ।

कतिपय विद्यालयले आफ्नो अतिरिक्त क्रियाकलापका रुपमा क्रिकेट प्रतियोगितालाई छनोट गर्दै यसका लागि प्रशिक्षक राखेकाले आगामी दिनमा क्रिकेटको व्यावसायिक थलोसमेत धनगढी बन्ने सम्भावना बढेको छ । क्रिकेटको विकास र बिस्तारका लागि धनगढी र खास गरी प्रदेश नं ७ का बिभिन्न जिल्लामा एक दर्जन बढी क्रिकेट एकेडेमीसमेत सञ्चालनमा आइसकेको छ । खेल व्यावसायिक रुपमा अघि बढ्न सक्ने सम्भावना रहेको खेलप्रेमी चेतराज ओझा बताउनुहुन्छ ।

क्रिकेटप्रति बढेको आकर्षणसँगै टोलैपिच्छेका बालबालिका र विद्यालयका छात्रछात्रा फुर्सदको समयमा आफ्नो घर वरिपरिको खाली चौर, बाटो र खेतमा क्रिकेट खेल्न तम्सिएका देखिन्छन् । धनगढी नगरपरिषद्को बैठकले पनि दुई वर्षअघि धनगढीलाई क्रिकेटको शहरका रुपमा विकास गर्ने निर्णय गरेको थियो ।

प्रदेश नं ७ क्रिकेटको उर्वरभूमि

क्रिकेटको उर्वरभूमि मानिने प्रदेश नं ७ ले थुप्रै राष्ट्रिय र अन्तर्राष्ट्रिय खेलाडी जन्माइसकेको छ ।

सो क्षेत्रले भुवन कार्की, सुनिल धमला, राजु रिजाल, दीपेन्द्रसिं ऐरी, विनोद भण्डारी, नरेश बुढाऐर, प्रदीप ऐरी, चन्द्र साउद, ललितसिं भण्डारी, दिलीपनाथलगायत क्रिकेट खेलाडी जन्माइसकेको छ । यस्तै ‘अण्डर १९’ टोलीमा सहभागी हुने भीम सार्की, सन्दीप जोरा, सुबोध ऐरलगायत खेलाडी यसै प्रदेशका हुन् ।

डिपिएलको तयारी

क्रिकेटको शहर धनगढीमा यही चैत १७ देखि शुरु हुन लागेको देशकै सर्वाधिक धनराशि पुरस्कारको रुस्लान धनगढी प्रिमियर लिग(डिपिएल)को तयारी हुँदैछ । सो प्रतियोगितामा भाग लिने सबै समूहमा खेलाडीको ‘अक्शन’ गर्ने काम पूरा भइसकेको छ भने मैदान तथा कालोपत्र तयार गर्ने काम अन्तिम चरणमा पुगेको छ ।

धनगढी उपमहानगरपालिका–३ मोहना नदी छेउको फाप्ला मैदानलाई अन्तर्राष्ट्रिय क्रिकेट मैदानका रुपमा विकास गर्ने लक्ष्यका साथ ‘ड्रिम फाप्ला’ अभियानअन्तर्गत शुरु गरिएको डिपिएल क्रिकेटको यस वर्ष दोस्रो संस्करण हुँदैछ । “ड्रिम फाप्लामा पुग्ने सिंढी नै डिपिएल हो”, डिपिएलका आयोजक एवं धनगढी क्रिकेट एकेडेमीका अध्यक्ष सुभाष शाहीले भन्नुभयो, “यसबाट फाप्ला मैदानलाई क्रिकेटको अन्तर्राष्ट्रिय मैदान बनाउन सरकारका निकायमा दवाव पुगेको महसुस भएको छ ।” एक वर्षअघि ‘ड्रिम फाप्ला’ अभियानको नेतृत्व गरेका शाही भन्नहुन्छ, “सबैको उत्साह देखेर हामीले ड्रिम फाप्लाको सपना देखेका थियौँ, यो अभियान सफलतामा पुगिछाड्ने छ ।”
क्रिकेटका गतिविधि बढ्दै गए पनि यस क्षेत्रमा क्रिकेट खेल्न स्तरीय खेल मैदानको अभाव शुरुदेखि नै खड्किएको छ । डिपिएललगायत क्रिकेट गतिविधिले विशेष गरी नयाँ पुस्ता र व्यवसायीमा बेग्लै खाले उत्साह पनि देखिन थालेको स्थानीयवासी क्रिकेटप्रेमी बताउँछन् ।

‘ट्यालेन्ट हन्ट’बाट खेलाडी छनोट

डिपिएलमा स्थानीय खेलाडीलाई स्थान दिन आयोजकले प्रतियोगितामा भाग लिने प्रत्येक समूहमा एक÷एक जना स्थानीय खेलाडी सहभागी गराउनुपर्ने मान्यता राखेर हालै ‘ट्यालेन्ट हन्ट’(प्रतिभा छनोट) विधि अपनाएर खेलाडी छनोट गरेको छ । यस्तो छनोटबाट पहिलो पटक डिपिएलमा सहभागी हुनेछ टिममा छ स्थानीय खेलाडीले सहभागी हुन पाउने मौका पाएका छन् ।

‘ट्यालेन्ट हन्ट’ मार्फत खेलाडी छनोट गर्दा एक खेलाडीको बढीमा रु २५ हजारको बोली लाग्दा स्थानीय खेलाडीले पहिलो पटक आम्दानी गर्ने अवसर पनि पाएका छन् ।

डिपिएललाई आइसिसीको मान्यता

अन्तर्राष्ट्रिय क्रिकेट काउन्सिल (आइसिसी)ले यहाँ आयोजना हुन लागेको ‘रुस्लान धनगढी प्रिमियर लिग’(डिपिएल)को दोस्रो संस्करणलाई मान्यता दिएको छ । आइसिसीको मान्यतासँगै प्रतियोगितामा सहभागी टोलीले कुनै पनि उच्चस्तरका विदेशी खेलाडीलाई टोलीसँग अनुबन्ध गर्न सहज भएको नभई नेपाली घरेलु प्रतियोगिताले अन्तर्राष्ट्रियस्तरमा थप महत्व र उचाइ हासिल गरेको छ । उक्त प्रतियोगितामा काठमाडौँ गोल्डन्स, विराटनगर किंग्स, रुपेन्देही च्यालेन्जर्स, सिवाइसी अत्तरिया, महेन्द्रनगर युनाइटेड र टिम चौराहा धनगढीको सहभागिता रहने जनाइएको छ ।

नेपालमा सर्वाधिक पुरस्कारको राशि भएको प्रतियोगिताको विजेताले रु २५ लाख, उपविजेताले रु १० लाख, तेस्रो हुने टोलीले रु तीन लाख र चौथो हुने टोलीले रु दुई लाख पाउने जनाइएको छ । क्रिकेट इतिहासमा नेपालले एक दिवसीय मान्यता पाउन सफल भएपछि क्रिकेटको शहर धनगढीमा खुशीयालीस्वरुप केही दिनअघि खेलप्रेमीले विजय जुलूस र दीप प्रज्वलन गरेका थिए ।-रासस

दश वर्षमा पनि पूरा भएन इमानसिं रंगशाला निर्माण

फिदिम । पाँचथरको फिदिम नगरपालिका–१० खलङगाटारमा निर्माणाधीन इमानसिं रंगशाला निर्माण शुरु भएको दश वर्षसम्ममा पनि पूरा हुन सकेको छैन ।

विसं २०६४ बाट निर्माण शुरु भएको जिल्लाको एक मात्र ‘इलेभेन’ साइजको खेलमैदान बजेट अभाव लगायतका विविध कारणले निर्माण कार्यले अझैसम्म पूर्णता नपाएको हो । सेभेन साइजमा रहेको खेलमैदान स्थानीयवासीको परिकल्पनामा रंगशाला निर्माण थालिएको थियो ।

निर्माणका लागि अहिलेसम्म तत्कालीन जिल्ला विकास समिति, गाविसका साथै सोही ठाउँबाट खाडी मुलुकमा विदेशिएका युवा, जिल्ला खेलकुद विकास समिति, उच्च माध्यमिक शिक्षा परिषद्, सांसद विकास क्षेत्र कोष, वडापालिका लगायतबाट रु ४२ लाखभन्दा बढी खर्च भइसकेको छ ।

स्थानीय स्तरमा खेदकुदको विकास गर्ने उद्देश्यका साथ निर्माण प्रारम्भ भएको रंगशालाको करिब ७५ प्रतिशत निर्माण कार्य सम्पन्न भएको स्थानीय चोरुलुङ क्लबका अध्यक्ष वीरबहादुर थाम्सुहाङले लिम्बुले बताउनुभयो ।

थाम्सुहाङका अनुसार अहिलेसम्म रंगशालाको लम्बाइ, चौडाइ र स्टेप कटिङका साथै मञ्च निर्माण कार्य पूरा भएको छ । अब लेबल मिलाउने, हरियो दुबो उमार्ने र भौतिक संरचनाको काम बाँकी रहेको छ ।

रंगशाला निर्माण चाँडै पूरा गर्न विभिन्न निकायमा सहयोगी हात खोजी गर्ने काम भइरहेको थाम्सुहाङले बताउनुभयो । रंगशालाका लागि निर्माण भएको मञ्चको भने २०७१ सालमै तत्कालीन खेलकुद मन्त्रालयका सचिव दीपेन्द्रनाथ शर्माबाट उद्घाटन भइसकेको छ ।

झापा गोल्डकप- उद्घाटन खेलमा आयोजक र सुदूरपश्चिम भिड्ने

झापा – यसै साता सुरु हुने तेस्रो रमपम झापा गोल्डकप फुटबल प्रतियोगिताको उद्घाटन खेल आयोजक झापा ११ र सुदूरपश्चिम ११ बीच हुनेभएको छ । प्रतियोगिता शनिबार बिर्तामोडस्थित डोमालाल राजवंशी रंगशालामा सुरु हुनेछ ।

आयोजक झापा ११ ले मंगलबार सार्वजनिक गरेको खेलतालिका अनुसार प्रतियोगिताको दोस्रो दिन फागुन २० गते नेपाल पुलिस क्लब र रुपन्देही ११ बीच प्रतिस्पर्धा हुनेछ । सोझै क्वार्टरफाइनलमा स्थान पाएका रुस्लान थ्री स्टार क्लब र नेपाल एपिएफ क्लबबीच फागुन २१ गते खेल हुनेछ ।

१० टोलीको सहभागिता रहेको प्रतियोगितामा वाई पाएर क्वार्टरफाइनल पुगेका लक्ष्मी हुन्डाई मनाङ मस्र्याङ्दी र सहारा क्लब पोखराबीच फागुन २२ गते प्रतिस्पर्धा हुनेछ ।झापा र सुदूरपश्चिमबीचको विजेताले फागुन २३ गते सिधै क्वार्टरफाइनल खेल्ने सिक्किम युनाइटेड एफसीको सामना गर्नुपर्नेछ । त्यस्तै पुलिस र रुपन्देहीबीचको विजेताले फागुन २४ गते त्रिभुवन आर्मी क्लबको सामना गर्नेछ ।

यस पटक झापा गोल्ड कपको राशीमा पनि बृद्धि गरिएको छ । यसपटकको विजेताले १२ लाख ५० हजार तथा दोस्रो हुने टोलीले ६ लाख रुपैयाँ पाउनेछ । गत वर्षको विजेताले ७ लाख रुपैयाँ प्राप्त गरेको थियो । झापा गोल्डकप यसपटकको मोफसलको सर्वाधिक पुरस्कार राशीको गोल्ड कप हुनेछ ।

माघको पहिलो साता धनगढीमा सम्पन्न नेपाल आइस सुदूरपश्चिम खप्तड गोल्डकप प्रतियोगिताको विजेताले ११ लाख ११ हजार १ सय ११ रुपैयाँ प्राप्त गरेको थियो भने माघ दोस्रो साता इटहरीमा सम्पन्न मदन स्मृति इटहरी गोल्डकप फुटबल प्रतियोगिताको विजेताले १२ लाख रुपैयाँ प्राप्त गरेको थियो ।

खप्तड गोल्डकप त्रिभुवन आर्मी क्लब र इटहरी गोल्डकप रुस्लान थ्री स्टार क्लबले जितेको थियो । फागुन २८ गते सम्म चल्ने झापा गोल्ड कपमा झन्डै ९७ लाख रुपैयाँ खर्च हुन अनुमान गरिएको छ ।

तेस्रो झापा गोल्डकप फुटबल प्रतियोगिता यही फागुन १९ गतेदेखि

सुरुङ्गा : मोफसलकै सर्वाधिक पुरस्कार राशि भएको तेस्रो झापा गोल्डकप फुटबल प्रतियोगिता यही फागुन १९ गतेदेखि शुरु हुने भएको छ ।

बिर्तामोडस्थित डोमालाल राजवंशी रंगशालामा हुने सो प्रतियोगितामा भारतको सिक्किम युनाइटेड क्लव, तीन विभागीय टोलीसहित १० टोलीको सहभागिता रहने आज बिर्तामोडमा आयोजित पत्रकार सम्मेलनमा प्रतियोगिता आयोजक समितिका अध्यक्ष महेन्द्र गिरीले जानकारी दिनुभयो ।

प्रतियोगितामा आयोजक टिम रमपम झापा ११ सहित मनाङ मस्र्यांदी, थ्री स्टार क्लब, त्रिभुवन आर्मी, नेपाल पुलिस, सशस्त्र प्रहरीबल, सहारा क्लब पोखरा, रुपन्देही ११, सुदुरपश्चिम ११ कैलाली र भारतको सिक्किम युनाईटेड क्लबबीच प्रतिष्पर्धा हुनेछ ।

प्रतियोगिताको विजयी टोलीले रु १२ लाख ५१ हजार र उपविजेता टोलीले रु छ लाख प्राप्त गर्नेछ ।

त्यस्तै झापा ११ बाट उत्कृष्ट खेल प्रर्दशन गर्ने एक खेलाडीलाई मोटरसाइकलसहित ‘लाइफ टाइम अचिभमेन्ट अवार्ड’ प्रदान गरिने पनि सो अवसरमा जानकारी गराइयो ।

आइसीसी विश्व कप: अभ्यास खेल अन्तर्गत नेपाल आज युएईसँग खेल्ने

आइसीसी विश्व कप: अभ्यास खेल अन्तर्गत नेपाल आज युएईसँग खेल्ने

आइसीसी विश्व कप: अभ्यास खेल अन्तर्गत नेपाल आज युएईसँग खेल्ने

काठमाडौं । आइसीसी विश्व कप छनोट अगाडिको अभ्यास खेलमा नेपालले मंगलबार (आज) युएईसँग प्रतिस्पर्धा गर्दैछ । जिम्बावेमा हुने खेल नेपाली समय अनुसार दिउँसो सवा १ बजेबाट सुरु हुनेछ । नामिबियामा केही दिन अघि आयोजित विश्व क्रिकेट लिग डिभिजन २ प्रतियोगिता अन्तर्गत विजेता बन्दै संयुक्त अरब इमिरेट्स (युएई) र दोश्रो स्थानमा रहेको नेपाल विश्वकप छनौट खेल्न लागेका हुन् ।

दुई साताको फरकमा नेपालल युएई तेस्रो पटक खेल्न लागेका छन । नामिबियामा भएको डिभिजन २ को खेलमा नेपालले समूह चरणमा युएईलाई ६ विकेटले पराजित गर्दा फाइनलमा ७ रनले हारेको थियो । फाइनलमा नेपालको जितमा कप्तान पारस खड्काले सतक प्रहार गरेका थिए ।

जिम्बाबेमा मार्च ४ देखि हुँने छनोट प्रतियोगितामा नेपालसहित १० राष्ट्र सहभागी छन । जसमा उत्कृष्ट हुने २ टिम विश्वकप खेल्न पाउनेछन । प्रतियोगिताबाट उत्कृष्ट ३ एसोसिएट रास्ट्रले एकदिवसीय रास्ट्रको मान्यता पाउनेछ।

नेपाल समूह ‘बी’ मा अफगानिस्तान, जिम्बाबे, हङकङ र स्कटल्याण्डसँगै रहेको छ। नेपालले पहिलो खेल फागुन २० गते आइतबार घरेलु टोली जिम्बावे विरुद्द खेल्दै छ। यस्तै लिग चरणको दोस्रो खेलमा नेपालले फागुन २४ स्कटल्याण्डको सामना गर्नेछ।

लिग चरणका अन्तिम दुई खेलमा नेपालले फागुन २६ मा अफगानिस्तान र फागुन २८ मा हङकङको सामना गर्नेछ। दोश्रो अभ्यास खेलमा फागुन १७ गते बिहीबार नेपालले हङकङको सामना गर्नेछ।

त्रिभुवन आर्मीद्वारा ४–३ को गोल अन्तरले नेपाल पुलिस क्लव पराजित

मकवानपुर। तेश्रो हेटौंडा गोल्डकपको उपाधि त्रिभुवन आर्मी क्लबले हात पारेको छ । फाइनलमा नेपाल पुलिस क्लवलाई आर्मीले ४–३ को गोल अन्तरले हराएका हुन् ।

उपाधि जितेको आर्मिले पाँच लाख नगद, शिल्ड र प्रमाणपत्र हात पार्यो भने दोस्रो भएको नेपाल पुलिश क्लबले नगद तीन लाख, शिल्ड र प्रमाणपत्रमा चित्त बुझाइएका छन् । आठ वटा टिमको सहभागिता रहेको खेलमा त्रिभुवन आर्मीका विमल पाण्डे सर्बोत्कृष्ट खेलाडी भए । उनले नगद ५० हजार रुपैयाँ प्राप्त गरे । सर्बोत्कृट कोचको उपाधि आर्मीका नबिन न्यौपानले हात पारेको हो ।

उत्कृष्ट डिफेन्डर पुलिशका दिनेश राजवंशी, उत्कृष्ट गोलकिपर आर्मीका बिकेश कुथु, उत्कृष्ट मिटफिल्डर पुलिसका तेज तामाङ, उत्कृष्ट फरवार्ड प्रहरीका अभिषेक रिजाल घोषित हुनको साथै १५ हजार रुपैयाँ र प्रमाणपत्र पाएका छन्।

उच्च मनोबलका साथ २१ सदस्यीय नेपाली राष्ट्रिय क्रिकेट टोलि जिम्बाबे प्रस्थान

हरिशजङ्ग क्षेत्री
उच्च मनोबलका साथ एकदिवसीय विश्वकप क्रिकेट प्रतियोगिताको छनोट खेल खेल्न नेपाली राष्ट्रिय क्रिकेट टोलि शनिवार जिम्बाबे प्रस्थान गरेका छ्न। दुई साता अगाडी नामिबियामा सम्पन्न भएको आईसीसी विश्व क्रिकेट लिग डिभिजन दुईको उपबिजेता बन्दै नेपाली राष्ट्रिय क्रिकेट टोलिले जिम्बाबेमा हुने एकदिवसीय विश्वकपको छनोट चरणमा आफ्न दरिलो स्थान बनाएको थियोे ।

विश्वकप छनोटका लागि जिम्बाबे जाने नेपाली क्रिकेट टोलिमा २१ सदस्य रहेका छ्न। जस्मा १५ जना खेलाडी, ६ जना अफिसियल रहेको रहेका छ्न। खेलाडीहरुमा कप्तान पारस खड्का, उपकप्तान ज्ञानेन्द्र मल्ल, बसन्त रेग्मी, शक्ति प्रसाद गौचन, शरद भेषवाकर, सोमपाल कामी, करन केसी, मोहम्मद आरिफ शेख, सन्दिप लामिछाने, दिपेन्द्र सिंह ऐरी, विकेट किपर दिलिप नाथ, ललित भण्डारी, रोहित कुमार पौडेल, अनिल कुमार साह र ललित राजबंशी रहेका छ्न।
अफिसियलहरुमा नेपाली टोलिका प्रमुख प्रशिक्षक जगत टमाटा त्यसैगरी ब्याटिंग कन्सल्टेन्टको रुपमा भारतीय प्रशिक्षक उमेश पटवाल, भिडियो एनालिस्टको रुपमा सुरज शाक्य, टिम ब्यबस्थापक तथा टेक्निकल एनालिस्ट रमन शिवाकोटी, फिजियो दिनेश भट्ट र फिटनेस ट्रेनर सुबास पत्रो रहेका छन्।

प्रतियोगितामा सहभागी हुने टोलि
त्रिभुवन अन्तर्राष्ट्रिय विमानस्थलबाट “फ्लाई दुबई” को विमान मार्फत राति १०:४५ बजे जिम्बाबे प्रस्थान गरेका छ्न।
नेपालले प्रतियोगिता अघि २ वटा अभ्यास खेल खेल्नेछ। २७ फेब्रुअरीमा पहिलो अभ्यास खेल संयुक्त अरब एमिरेट्स (युएई) बिरुद्द र दोश्रो अभ्यास खेल मार्च १ तारीखमा हंगकंग संग खेल्ने छ।विश्वकप छनौट प्रतियोगितामा नेपालले पहिलो खेल मार्च ४ तारिखमा घरेलु टोलि जिम्बावे संग खेल्ने छ भने, दोस्रो खेलमा ८ मार्चमा स्कटल्याण्ड संग तेस्रो खेल मार्च १० तारीखमा अफगानिस्तान र १२ तारिखमा हंगकंग संग प्रतिस्पर्धा गर्ने गर्नेछ।
साभार

एपीएफलाई प्रधानमन्त्री कप महिला राष्ट्रिय क्रिकेटको उपाधि

कैलाली। प्रधानमन्त्री कप महिला राष्ट्रिय क्रिकेट प्रतियोगिताको उपाधि एपीएफ क्लबले हात पारेका छन् । पूर्वाञ्चललाइ ७ विकेटले पराजित गर्दै एपीएफ विजयी भएको हो।

प्रधानमन्त्री कप महिला राष्ट्रिय क्रिकेट धनगढीको फाप्ला क्रिकेट मैदानमा भएको थियो। टस हारेर ब्याटिङ गरेको पूर्वाञ्चलले निर्धारीत २० ओभरमा पाँच विकेट गुमाउदै मात्र ६० रन बनाएको थियो । काजल श्रेष्ठले १८ र रोमा थापाले १२ रन बनाउनु बाहेक अन्य कसैले दोहोरो अंक छुन सकेनन् । एपिएफका लागि कसिलो बलिङ गरेका रेखा रावल , करुणा भन्डारी, सीता राना मगर, रितु कनोजीया र अन्जली चन्दले १–१ विकेट लिएका हुन् । एपीएफले १६ ओभर तीन वलमा तीन विकेट गुमाउदै पुरा गर्यो ।

एपीएफको जीतमा ज्योती पाण्डेले २२, सरिता मगरले अविजीत १५ रनको योगदान दिए । विजेता एपीएफले पाँच र उपविजेता पूर्वाञ्चलले दुई लाख पुरस्कार प्राप्त गरेका छन् । पूर्वाञ्चलकी कप्तान रुविना क्षेत्री प्रतियोगिताको उत्कृष्ट वलरसहित प्लेयर अफ द सिरिज घोषित भइन् ।

विश्व कप क्रिकेट छनोटका लागि जिम्बाबे पुगेको नेपाली टोलीले युएई र हङकङसँग अभ्यास खेल खेल्ने

विश्व कप क्रिकेट छनोटका लागि जिम्बाबे पुगेको नेपाली टोलीले युएई र हङकङसँग अभ्यास खेल खेल्ने

नेपाली टोलीले युएई र हङकङसँग अभ्यास खेल खेल्ने

काठमाडौँ । विश्व कप क्रिकेट छनोट खेलमा सहभागी हुन जिम्बाबे पुगेको नेपाली टोलीले अभ्यास खेल खेल्ने भएको छ ।

टोलीले मंगलबार संयुक्त अरब इमिरेट्ससँग अभ्यास खेल खेल्ने छ भने १७ गते हङकङसँग खेल्ने छ ।
अर्को वर्ष हुने विश्वकप क्रिकेटका लागि छनोट खेल खेल्न नेपाली टोली आइतबार जिम्बाबे पुगेको हो । संयुक्त अरब इमिरेट्स र हङकङसँग अभ्यास खेल खेल्ने नेपाली टोलीको तयारी रहेको छ ।

छनोटको पहिलो खेल नेपालले आयोजक राष्ट्र जिम्बाबेसँग फागुन २० गते खेल्ने छ । १० टोली सहभागि प्रतियोगितामा दुई समूहका विजेता अर्को वर्ष हुने विश्वकप क्रिकेटमा सहभागि हुनेछन् । सुपर सिक्समा पर्ने टोलीले एकदिवशीय क्रिकेटको मान्यता पाउनेछ । नेपाल रहेको समूहमा आयोजक जिम्वावेसंगै अफगानस्तान, स्कटल्याण्ड र हङकङ छन् ।

अर्को समूहमा वेष्टइन्डीज, आयरल्याण्ड, नेदरल्याण्ड, पपुवान्यूगिनी र संयुक्त अरब इमिरेट्स यूएई रहेका छन् । आईसिसी विश्वकप छनोट प्रतियोगितामा सहभागि हुने टोलीका लागि गएराती स्थानीय रेन्बो टावरमा रात्री भोजको आयोजना गरिएको थियो । नेपाली कप्तान पारस खड्का र आइपिएल अन्तर्गत दिल्लीमा आवद्ध सन्दीप लामिछानेलाई आयोजक जिम्बावेले निकै महत्व दिएको थियो ।