नेयमार रियलविरुद्धको खेलमा फर्कने जिदानको आशा

म्याड्रिड (एजेन्सी)– पेरिस सेन्ट जर्मेन (पिएसजी) का सुपर स्टार चोटग्रस्त नेयमार च्याम्पियन्स लिगको अन्तिम १६को दोस्रो लेगमा फिट भएर फर्केने रियल म्याड्रिडका प्रशिक्षक जिनेदिन जिदानले आशा व्यक्त गरेका छन् । रियल र पिएसजीबीच मार्च ७ मा दोस्रो लेग हुँदैछ ।

आइतबार लिग १ मा मार्सेविरिुद्धको खेलमा नेयमारको घुँडामा चोट लागेको थियो । पिएसजी ३–० ले जितेको खेलको ७७ औं मिनेटमा मार्सेको खेलाडीको ट्याकलमा घाइते भएका नेयमार स्ट्रेचरमा मैदान छोड्न बाध्य भए ।

नेयमारको चोट क्लबका लागि धक्का भएको उल्लेख गर्दै जिदानले सोमबार पत्रकार सम्मेलनमा भने, ‘म चाहन्छु हामीसँगको खेलमा नेयमार फर्किउन । कुनै पनि खेलाडी घाइते नहुन भन्ने मेरो चाहना हो । मलाई आशा छ उनी पूर्ण रुपमा ठिक भएर फर्कनेछन् । ‘

रियल टोलीका अवस्थाका बारेमा जिदानले थपे, ‘हाम्रो चोटग्रस्त खेलाडीका बारेमा नयाँ जानकारी केहि छैन । सबै तीन खेलाडी मैदानमा फर्कन मेहनत गरिरहेका छन् । अहिले नै तत्काल पहिलो रोजाइमा पर्ने सम्भावना छैन । हाम्रोमा नयाँ कुनै समस्या छैन ।’

रियलका कप्तान सर्जियो रामोसको प्रदर्शनलाई लिएर भइरहेको आलोचनाको बचाउमा जिदानले भने, ‘रामोस हाम्रो नेता हुन् । उनी हाम्रो कप्तान हुन् । जसले उनको खेललाई लिएर शंका गर्छन् तीनले उनलाई आदर गर्दैनन् । क्लबका हरेक व्यक्ति उनलाई माया गर्छन् ।’

विश्वकै महंगा फुटबलर नेइमारको खुट्टाको हड्डी भाँचियो, केही खेल गुमाउने

विश्वकै महंगा फुटबलर नेइमारको खुट्टाको हड्डी भाँचियो

विश्वकै महंगा फुटबलर नेइमारको खुट्टाको हड्डी भाँचियो

काठमाडौं । विश्वकै महंगा फुटबलर नेइमारको खुट्टाको हड्डी भाँचिएको छ । उनी पेरिस सेन्ट जर्मेन पीएसजीबाट फुटबल खेल्दै आएका छन् । नेइमारले अब केही समय फुटबलबाट बिश्राम लिनुपर्ने भएको छ ।

गत अगस्ट महिनामा पीएसजीमा अनुवन्ध भएपछि नेइमारले ३० खेलमा २९ गोल गरिसकेका छन् । उनी त्यसअघि बार्सिलोनाबाट खेल्दथे । पीएसजीले २ सय मिलियन पाउण्ड तिरेर नेइमारलाई आफ्नो क्लबमा ल्याएको थियो जुन विश्वकै महंगो हो ।

फ्रेन्च लिगमा मार्सेविरुद्ध खेल्दा खुट्टामा चोट लागेर उनी घाइते भएका थिए । सो खेलमा पीएसजी ३-० ले विजयी भएको थियो ।

उपचारको क्रममा नेइमारको मेटाटार्सल भाँचिएको र कुर्कच्चाको हड्डीमा समेत चोट लागेको पाइएको छ । पीएसजी क्लबका फरवार्ड नेइमारले अब च्याम्पियनसीपको अन्तिम १६ का लागि रियल मड्रिडविरूद्ध हुने खेल गुमाउने छन् । किनकी उनलाई चिकित्सकहरुले केही दिन आराम गर्न भनेका छन् ।
साभार

त्रिभुवन आर्मीद्वारा ४–३ को गोल अन्तरले नेपाल पुलिस क्लव पराजित

मकवानपुर। तेश्रो हेटौंडा गोल्डकपको उपाधि त्रिभुवन आर्मी क्लबले हात पारेको छ । फाइनलमा नेपाल पुलिस क्लवलाई आर्मीले ४–३ को गोल अन्तरले हराएका हुन् ।

उपाधि जितेको आर्मिले पाँच लाख नगद, शिल्ड र प्रमाणपत्र हात पार्यो भने दोस्रो भएको नेपाल पुलिश क्लबले नगद तीन लाख, शिल्ड र प्रमाणपत्रमा चित्त बुझाइएका छन् । आठ वटा टिमको सहभागिता रहेको खेलमा त्रिभुवन आर्मीका विमल पाण्डे सर्बोत्कृष्ट खेलाडी भए । उनले नगद ५० हजार रुपैयाँ प्राप्त गरे । सर्बोत्कृट कोचको उपाधि आर्मीका नबिन न्यौपानले हात पारेको हो ।

उत्कृष्ट डिफेन्डर पुलिशका दिनेश राजवंशी, उत्कृष्ट गोलकिपर आर्मीका बिकेश कुथु, उत्कृष्ट मिटफिल्डर पुलिसका तेज तामाङ, उत्कृष्ट फरवार्ड प्रहरीका अभिषेक रिजाल घोषित हुनको साथै १५ हजार रुपैयाँ र प्रमाणपत्र पाएका छन्।

बार्सिलोना र रियल मड्रिडको गोल वर्षा, सुआरेजको ह्याट्रिक

काठमाडौं । स्पेनिस ला लिगा अन्तरगत शनिबारका खेलमा पावर हाउस बार्सिलोना र रियल मड्रिड दुवैले आ-आफ्ना खेलमा गोल वर्षा गरेका छन् । बार्सिलोनाले गिरोनामाथि ६-१ को जित निकाल्दा, रियल मड्रिडले अलाभेजलाई ४-० ले हराउँन सफल भयो ।

यस सिजनका अपराजित रहँदै शीर्ष स्थानमा रहेको बार्सिलोनाले फेरि अर्काे प्रभावशाली जित निकाल्न सफल भएको हो । बार्सिलोनाको घरेलु मैदानमा भएको खेलमा बार्सिलोनाको जितका लागि, सुवारेजले ह्याट्रिक गरे। उनले खेलको ५,४४ र ७६ मिनेटमा गोल गरेका हुन, मेसीले ३० औं र ३६ औं मिनेटमा गोल गरे भने फिलिप कान्टिन्होले ६६ मिनेटमा गोल गरे ।

गिरोनाका लागि मिलफिल्डर क्रिस्टियन पोर्चुले खेल सुरु भएको ३ मिनेटमा गोल गर्दै टोलीलाई अग्रता दिलाएका थिए । त्यही नै उसका लागि सान्तवना गोल बन्न पुग्यो ।

यस सिजनमा पछि परिरहेको पावर हाउस रियल मड्रिडले घरेलु मैदानमा भएको शनिबारको खेलमा अलाभेजमाथि ४-० को सानदार जित निकाल्न सफल भयो । रियल मड्रिडका लागि क्रिस्टियानो रोनाल्डोले २ गोल, ग्यारेथ बेल र करिम बेन्जिमाले एक-एक गोल गरे ।

रोनाल्डोले खेलको ४४ औं र ६१ औं मिनेटमा गोल गरेका थिए । बेलले ४६ औं र बेन्जिमाले ८९ औं मिनेटमा गोल गरेका थिए।शनिबारको खेलसँगै २५ खेलबाट ६५ अंकका साथ बार्सिलोना शीर्ष स्थानमा कायमै छ । २४ खेल खेलेको यथ्लेटिको मड्रिड ५५ अंकसहित दोस्रो स्थानमा छ । २५ खेल खेलेको रियल मड्रिड ५१ अंकसहित तेस्रो स्थानमा र २४ खेल खेलेको भ्यालेन्सिया ४६ अंकका साथ चौथो स्थानमा रहेका छन् । बुधबार लेगानेजमाथि जित निकाल्दै भ्यालेन्सियालाई पछि पारी रियल मड्रिड तेस्रो स्थानमा उक्लिएको थियो ।

शनिबारका ला लिगाका अन्य खेलमा सेल्टाभिगोले इआइबरलाई २-० ले हरायो । लेगानेज र लस पाल्मसले गोलरहित बराबरी खेले।

स्वारेजको ह्याट्रिक र मेस्सीको दुई गोलसँगै जिरोनाविरुद्ध बार्सिलोनाद्धारा गोलको वर्षा

काडमाडौँ । स्पेनिस लिग अन्र्तगत गएराती भएको खेलमा लिग लिडर बार्सिलोनाले जिरोनासँग ६–१ गोल अन्तरको जित निकालेको छ । जितसँगै बार्सिलोनाले दोस्रो स्थानको एथलेटिको मड्रिडसँगको दूरी १० अंकमा लम्ब्याएको छ ।

स्पेनिस लिग अन्र्तगत गएराती भएको खेलमा जिरोनाले दोस्रो मिनेटमा नै लिएको अग्रताविरुद्ध घरेलु टिमले ६ गोल गरेको थियो । लुइस स्वारेजको ह्याट्रिकसँगै लियोनेल मेस्सीले २ गोल गरेका थिए भने फिलिपे काउटिन्होले पनि एक गोलको योगदान दिए । तेस्रो मिनेटमा पोर्तुले गोल गर्दै जिरोनालाई अग्रता दिलाउँदा घरेलु समर्थक स्तब्ध भए । तर त्यो अग्रता दुई मिनेटभन्दा बढी टिक्न सकेन । पाँचौं मिनेटमा स्वारेजले गोल गर्दै खेल बराबरीमा पु¥याए ।

३० औं मिनेटमा लियोनेल मेस्सीले गोल गर्दै बार्सिलोनालाई २–१ को अग्रता दिलाए । ३६औं मिनेटमा मेस्सीले उत्कृष्ट फ्रिकिक गोल गरे भने ४४औं मिनेटमा स्वारेजले व्यक्तिगत दोस्रो गोल गर्दा पहिलो हाफ अघि बार्सिलोनाले ४–१ को अग्रता लिएको थियो । ६६औं मिनटमा फिलिपे काउटिन्होले बार्सिलोनाको खातामा पाँचौं गोल थपे भने ७६औं मिनेटमा लुइस स्वारेजले ह्याट्रिक पूरा गर्दा बार्सिलोना ६–१ को विजयी भयो । जितसँगै बार्सिलोनाले दोस्रो स्थानको एथलेटिको मड्रिडसँगको दूरी १० अंकमा लम्ब्याएको छ । जिरोनाको भने ३४ अंक छ ।

एपीएफलाई प्रधानमन्त्री कप महिला राष्ट्रिय क्रिकेटको उपाधि

कैलाली। प्रधानमन्त्री कप महिला राष्ट्रिय क्रिकेट प्रतियोगिताको उपाधि एपीएफ क्लबले हात पारेका छन् । पूर्वाञ्चललाइ ७ विकेटले पराजित गर्दै एपीएफ विजयी भएको हो।

प्रधानमन्त्री कप महिला राष्ट्रिय क्रिकेट धनगढीको फाप्ला क्रिकेट मैदानमा भएको थियो। टस हारेर ब्याटिङ गरेको पूर्वाञ्चलले निर्धारीत २० ओभरमा पाँच विकेट गुमाउदै मात्र ६० रन बनाएको थियो । काजल श्रेष्ठले १८ र रोमा थापाले १२ रन बनाउनु बाहेक अन्य कसैले दोहोरो अंक छुन सकेनन् । एपिएफका लागि कसिलो बलिङ गरेका रेखा रावल , करुणा भन्डारी, सीता राना मगर, रितु कनोजीया र अन्जली चन्दले १–१ विकेट लिएका हुन् । एपीएफले १६ ओभर तीन वलमा तीन विकेट गुमाउदै पुरा गर्यो ।

एपीएफको जीतमा ज्योती पाण्डेले २२, सरिता मगरले अविजीत १५ रनको योगदान दिए । विजेता एपीएफले पाँच र उपविजेता पूर्वाञ्चलले दुई लाख पुरस्कार प्राप्त गरेका छन् । पूर्वाञ्चलकी कप्तान रुविना क्षेत्री प्रतियोगिताको उत्कृष्ट वलरसहित प्लेयर अफ द सिरिज घोषित भइन् ।

नेपाली फुटबल बिग्रिएको टुलुटुलु हेरेर बस्दिन : गणेश थापा

काठमाडौं । अखिल नेपाल फुटबल संघ एन्फाका पूर्व अध्यक्ष गणेश थापाले एन्फाको चुनावमा कर्माछिरिङ शेर्पामा बिजय प्राप्त गरेको खण्डमा नेपाली फुटबलमा सबैभन्दा ठूलो दुर्भाग्यपूर्ण अवस्था आउने दाबी गरेका छन् । भ्रष्टाचारको आरोपमा विश्व फुटबल महासंघ (फिफा) बाट प्रतिबन्ध भोगिरहेका थापाले आफुलाई नेपाली फुटबलको बारेमा बोल्ने अधिकार कसैले रोक्न नसक्ने पनि प्रष्ट पारेका छन् ।

सोमबार राजधानीमा फरक उदेश्यले आयोजना गरिएको पत्रकार सम्मेलन गणेश थापाले फिफाले आफुलाई फुटबलमा प्रतिबन्ध लगाएको तर नेपाली फुटबलका बारेमा बोल्न प्रतिबन्ध नलगाएको जिकिर गरे । आफु पनि स्वर्ण पदक बिजेता खेलाडी भएको उल्लेख गर्दै आफ्नो जीवनको महत्त्वपूर्ण ३५ बर्ष खर्चेको नेपाली फुटबलमा को आउँदा राम्रो हुन्छ भन्ने विषयमा बोल्ने अधिकार आफुलाई भएको पनि प्रष्ट पारे ।

उनले नेपाली फुटबल बिग्रिएको टुलुटुलु हेरे बस्न नसक्ने जिकिर समेत गरे । एन्फाको आगामी चैत १४ गते हुने चुनावका लागि अब खुल्ला रूपमा देखिने पनि थापाको भनाई थियो ।

उनले मणि कुँवर र कर्मा छिरिङ शेर्पा सच्चिएर एन्फालाई पार्टीको भातृ संगठनका रूपमा नलगी साँच्चीकै नेपाली फुटबलको बिकास गर्न लागेका हुन भने दुबैलाई सफलताको शुभकामना समेत दिए । प्रतिबन्ध फुकुवा पश्चात फेरि पनि फुटबल क्षेत्रमा आफ्नो आवश्यकता भएको खण्डमा फुटबलको विकासमा फर्कन संकेत पनि थापाले दिए ।

यसैबीच थापाले नेपाल स्पोट्र्स अर्गनाइजेशन नामक संस्थामार्फत अब खेल क्षेत्र सक्रिय हुने जानकारी पनि पत्रकार सम्मेलनमा गराए ।

ग्रिज्मनको ह्याट्रिकमा एटलेटिको विजयी

म्याड्रिड — स्पेनिस ला लिगा अन्तर्गत आइतबार फ्रान्सेली फरवार्ड एन्टोइन ग्रिज्मनको ह्याट्रिकमा एटलेटिको म्याड्रिडले सेभिल्लालाई ५-२ ले पराजित गरेको छ ।

डिएगो कोस्टाको गोलमा अग्रता लिएको एटलेटिकोले पहिलो हाफमा २ तथा दोस्रोमा तीन गोल गरेको थियो ।

विजयी टोलीका लागि अर्को गोल कोकेले गरे । सेभिल्लाका पाब्लो सराबिया र नोलिटोले पनि १-१ गोल गरेका थिए ।

दिनको अर्को खेलमा सान्टि मिनाको दुई गोलको मदतले भ्यालेन्सियाले रियल सोसीडाडलाई २-१ ले हरायो । सोसीडाडका मिकेल ओयराबाजलले ५४ औं मिनेटमा बराबरी गोल फर्काएपनि घरेलु टोलीका मीनाले दुवै हाफमा १-१ गोल गर्दै जित पक्का गरेका थिए ।

अंक तालिकाको शीर्षस्थानमा बार्सिलोनाको ६५ अंक छ भने एटलेटिकोले ५८ अंक जोडेको छ । तेस्रो स्थानको रियलको ५१ तथा चौथोको भ्यालेन्सियाको ४९ अंक छ ।

इंग्लिस प्रिमियर लिग: म्यान्चेस्टर युनाइटेडसँग चेल्सी पराजित

इंग्लिस प्रिमियर लिग: म्यान्चेस्टर युनाइटेडसँग चेल्सी पराजित

फागुन । इंग्लिस प्रिमियर लिगमा म्यान्चेस्टर युनाइटेडले चेल्सीबिरुद्ध २–१ गोल अन्तरको महत्वपूर्ण जित दर्ता गरेको छ ।

आइतबार राति घरेलु मैदान ओल्ड ट्राफोटमा भएको युनाइटेडको जितमा दुवै गोलमा बेल्जियन स्ट्राइकर रोमेलु लुकाकुको संग्लग्नता थियो । यद्यपि खेलमा अग्रता भने पाहुना टोली चेल्सीले लियो । उसका लागि विलियनले ३२ औं मिनेटमा गोल गरेका थिए ।

उनले इडेन हाजार्डको पास सदुपयोग गरेका थिए । तर, त्यसको ७ मिनेटपछि नै लुकाकुले ७५ हजार घरेलु दर्शकलाई खुशी तुल्याउँदै बराबरी गोल गरे ।

दोस्रो हाफमा युनाइटेडले अर्को गोल थप्यो । लुकाकुकै पासमा जेसे लिंगार्डले ७५औं मिनेटमा गोल गरेपछि युनाइटेडको जित निश्चित भयो ।

जित हाँसिल गरेपछि युनाइटेड ५९ अंकका साथ पुनः दोस्रो स्थानमा उक्लिएको छ । पराजित भएपछि चेल्सी भने पाँचौं स्थानमा पुगेको छ । उसको ५३ अंक छ ।