क्रिकेटर सन्दिपलाई फेरि अर्को अवसर, लर्डसमा हुने विश्व ११ को टिममा छनोट

जेठ २ पोखरा । लेग स्पिनर युवा खेलाडी सन्दिप लामीछाने लर्डसमा हुने वेष्ट इन्डिज विरुद्ध खेल्ने आईसीसी विश्व ११ टिममा परेका छन ।

हाल इन्डियन प्रिमियर लिग आइपिएलमा डिल्ली डेयरडेभिल्सबाट खेल्दै गरेका सन्दिप आगामी ३१ मे मा लर्डसमा हुने खेलमा लामीछानेलाई विश्व ११ टिममा समावेश गरको हो । सो खेलमा १७ वर्षे सन्दिपले इयोन मोर्गनको कप्तानीमा हुने टिमबाट खेल्ने छन ।

सन २०१६ लर्डसमा नै भएको एमसीसी विरुद्धको अन्डर नाइन्टिन विश्वकपमा १६ विकेट लिदै तहल्का मच्चाएका सन्दिपले नेपालबाटै खेलेका थिए ।

उनको टिममा मोर्गन र सन्दिप सहित, साहिद अफ्रिदी, तमिम इक्वाल, दिनेश कार्तीक, रासिद खान, मिचेल म्याक्लागन, सोयब मलिक, हार्दिक पाण्डे, थिसारा परेरा र लुकी रोन्ची रहेका छन ।

नामिबिया विरुद्धको खेलबाट नेपाली राष्ट्रिय टिममा डेब्यु गरेका सन्दिप हाल भारतको डिल्ली डेयरडेभिल्सले उनलाई आईपीएलका लागि २० लाखमा अनुबन्धन गरेको छ ।

आईपीएलमा विराट कोहलीको टिम रोयल च्यालेञ्जर्स बैङलोर विरुद्धको खेलमा चार ओभरमा २५ रन खर्चदै एक विकेट लिएका उनको टिमका खेलाडीसंगै विश्वभर प्रंशसा भएको थियो ।

धुर्मुस सुन्तली फाउण्डेसनद्वारा क्रिकेट रंगशाला निर्माणका लागि जग्गा खोज्दै

काठमाडौं । धुर्मुस सुन्तली फाउण्डेसनले क्रिकेट रंगशाला निर्माण गर्ने भएको छ । फाउण्डेसन क्रिकेट लागि जग्गा खोजी थालेका छन् ।

प्रदेश नम्बर ३ का मुख्यमन्त्री डोरमणी पौडेलको साथमा धुर्मुससहित फाउण्डेसनको टोलीले भक्तपुरको चाङ्गुनारायण नगरपालिका वडा ४ स्थित पहेनडोलमा रहेको करिब १ सय २४ रोपनी जग्गा अवलोकन गरेको छ ।

क्रिकेटप्रेमीहरुको सहयोग प्रतिबद्धता र नेपाल सरकारको पनि सकारात्मक पहलकदमीका कारण आफुहरुलाई थप उत्साह मिलेको फाउण्डेसनका अध्यक्ष सिताराम कट्टेलले बताए ।

उपयुक्त स्थान रहेको खण्डमा फाउण्डेसनलाई जानकारी गराउन समेत कट्टेल आग्रह गरेका हुन्।

सदस्यता पाएको ३० वर्षपछि क्रिकेटमा नेपाललाई सफलता

काठमाडौँ : अन्तर्राष्ट्रिय क्रिकेट काउन्सिल (आइसिसी)को सदस्यता पाएको झण्डै ३० वर्षपछि नेपालले एक दिवसीय क्रिकेटको मान्यता पाएको छ ।

एक दिवसीय मान्यतासँगै अब नेपाली क्रिकेटको नयाँ अध्यायसमेत शुरु भएको छ । एक दिवसीय मान्यता पाएको नेपाली क्रिकेटमाथि अवसर र चुनौतीका चाङ पनि थपिएको छ ।

पहिलो पटक यो सफलता पाएसँगै नेपाली क्रिकेटको अहिले सबैतिर चर्चा छ । क्यानको विवादबीच पनि नेपाललले यो सफलता पाउनु खुशीको विषय हो । यो मान्यता पाएसँगै नेपालले आगामी चार वर्षसम्म थुप्रै अवसरहरू पाउनेछ ।

सन् १९८८ मा आइसिसीको सदस्य बनेको नेपालले सन् १९९६ मा एशोसिएट राष्ट्रको मान्यता पाएको थियो भने नामिबियामा केही दिनअघि सम्पन्न आइसिसी विश्व क्रिकेट लिगमा डिभिजन टुको उपविजेता बन्दै एक दिवसीय मान्यता पायो । यो उपलब्धि नेपालको लागि अहिलेसम्मकै ठूलो हो । अब नेपालले चार वर्षसम्म आइसिसीअन्तर्गतका इन्टरकन्टिनेन्टल कप, च्याम्पियनशीपलगायत थुप्रै प्रतियोगिता खेल्न पाउनेछ ।

इन्टरकन्टिनेन्टल कप एशोसिएट राष्ट्रको सबैभन्दा उच्च तहको प्रतियोगिता हो । आइसिसीले यही प्रतियोगिताको प्रदर्शनका आधारमा पनि एशोसिएट राष्ट्रलाई टेस्ट मान्यता दिने–नदिने टुंगो लगाउने गर्दछ । सन् २०१५ देखि २०१७ सम्म भएको इन्टरकन्टिनेन्टल कप प्रतियोगिताका विजेता अफगानिस्तान र उपविजेता आयरल्याण्डले टेस्ट मान्यता केही समयअघि मात्रै पाएका छन् ।

सन् २०१५ देखि २०१७ सम्म चलेको आइसिसी विश्व क्रिकेट लिग च्याम्पियनशीपमा नेपालले सहभागिता जनाएको थियो, जसमा खराब प्रदर्शनका कारण नेपाल सातांै स्थानमा परेर रेलिगेशन हँुदै डिभिजन टुमा घटुवा भयो । विश्वकप छनोटबाट २०२२ सम्मका लागि एक दिवसीय मान्यता पाएसँगै पुनः आइसिसी विश्व क्रिकेट लिग च्याम्पियनशीपमा अब नेपालले सहभागिता जनाउन पाउनेछ ।

आइसिसीबाट अब थप सुविधा

नेपालको यो सफलतासँगै नेपालले अब उच्च कोटीको प्रशिक्षक र खेलाडीलाई दिइने सुविधा, विभिन्न अन्तर्राष्ट्रिय प्रशिक्षण तथा एक दिवसीय सिरिज खेललगायतका सुविधा आइसिसीबाट पाउनेछ ।

नेपालले २०२२ सम्मका लागि प्रत्येक वर्ष करिब ८ करोड आइसिसीबाट पाउने क्यानले जनाएको छ । नेपालले खेल्ने खेलअनुसार आइसिसीको वरियतामा आउनुका साथै खेलाडीको प्रदर्शनको लेखाजोखा पनि हुनेछ । यसका साथै नेपालले आफूभन्दा ठूला राष्ट्रसँग एक दिवसीय सिरिज खेल्ने अवसर पनि पाउनेछ ।

सन् २०१३ मा आइसिसी विश्व क्रिकेट लिग डिभिजन थ्रीको विजेता बन्दै नेपालले विश्वको ध्यान तानेको थियो । आफूभन्दा बलियो प्रतिद्वन्द्वी युगाण्डालाई ५ विकेटले पराजित गर्दै डिभिजन टुमा प्रवेश गर्नुका साथै सन् २०१४ मा हुने आइसिसी विश्वकप छनोटमा पनि स्थान बनाएको थियो । एकपछि अर्को राम्रो प्रदर्शन गर्दै अघि बढेको नेपाल सन् २०१४ मा डिभिजन थ्रीको दोस्रो पटक विजेता बन्यो । सन् २०१४ मै नेपालले टि–ट्वान्टी विश्वकप क्रिकेट पनि खेलेको थियो । साथै नेपालले सन् २०१५ देखि २०१७ सम्म चलेको आइसिसी विश्व क्रिकेट लिग च्याम्पियनशीप खेल्ने अवसर पाएको थियो ।

क्यान विवादले गुम्न सक्छ सफलता

विसं २०७३ वैशाखमा क्यान निलम्बन भएपछि अहिलेसम्म नेपाली खेलाडीले अभिभावकबिनै ठूला प्रतियोगितामा सहभागिता जनाउँदै आएका छन् ।

क्यान विवाद अन्त्य भई निलम्बन फुकुवा नहुने हो भने नेपालले पाएको यो ऐतिहासिक सफलता गुम्नेछ । विसं २०७२ मंसिरमा क्यानका तत्कालीन उपाध्यक्ष चतुरबहादुर चन्द, महासचिव अशोकनाथ प्याकुरेललगायतका पक्षले क्यानको अधिवेशन डाक्यो । तर, क्यानकै तत्कालीन अध्यक्ष टंक आङबुहाङको पक्षले कोठे निर्णय र पारदर्शी नभएको भन्दै तत्काल अधिवेशन रोक्न राष्ट्रिय खेलकुद परिषद्मा उजुरी दिएको थियो ।

राखेपले चुनाव रोक्न तत्काल निर्देशन दिए पनि क्यानका चन्द र प्याकुरेलको पक्षले चुनाव रातारात गराएरै छाडे जुन चुनावबाट क्यान अध्यक्षमा चन्द र महासचिवमा प्याकुरेल चुनिए । तर राखेपले कुनै पनि हालतमा निर्वाचित क्यानलाई मान्यता नदिने प्रष्ट पा¥यो । त्यसको केही दिनमै राखेपले रमेश सिलवालको नेतृत्वमा तदर्थ समिति बनाएको थियो ।

क्यान विवादले उग्ररुप लिँदै गर्दा आइसिसीले २०७३ वैशाखमा क्यानलाई सरकारी हस्तक्षेप र निष्पक्ष नभएको भन्दै प्रतिबन्ध लगायो । अहिले क्यानलाई आइसिसीले अन्तिम मौका दिएको छ । अब पनि क्यान विवाद नसल्टिए सदस्यताबाटै क्यान खारेज हुनसक्छ र नेपालले पाएको सफलता पनि गुम्न सक्छ ।
क्यानका निलम्बित अध्यक्ष चन्दले क्यान विवाद निरुपण गर्नुको विकल्प नरहेको बताउनुहुन्छ ।

उहाँका अनुसार छलफल चलिरहेको र एक महिनाभित्रै विवाद समाधान हुन्छ ।

नेपाली राष्ट्रिय टोलीका प्रशिक्षक जगत टमाटा भने घरेलु क्रिकेटको संरचना, भौतिक पूर्वाधार, खेलाडीहरुको हेरचाहलगायतमा ‘प्रफेसनल सेटअप’ गर्नुपर्ने बताउनुहुन्छ ।

एक दिवसीय क्रिकेटको मान्यता दिलाउँदै गत सोमबार साँझ स्वदेश फर्केको राष्ट्रिय टोलीका कप्तान कप्तान पारस खड्काले खेलाडीहरुले आफ्नो जिम्मेवारी पूरा गरेको र अब क्रिकेट पदाधिकारी र सरोकारवालाले जिम्मेवारी पूरा गर्नुपर्ने दिन आएको बताउनुभयो ।

सञ्चारकर्मीमाझ उहाँले भन्नुभयो – “नेपाली क्रिकेट खेलाडीहरुले यस पटक मात्र होइन, धेरै पटक आफ्नो जिम्मेवारी पूरा गरिसक्यो । तर, सरकार र आफूलाई क्रिकेटका स्टेकहोल्डर भन्नेहरुले आफ्नो जिम्मेवारी पूरा नगर्दा पाएको सफलता जोगाउन सकिएको छैन ।”

क्रिकेटको विकास लागि सक्षम क्रिकेट बोर्ड र घरेलु संरचनालाई बलियो बनाउनुपर्ने उहाँको सुझाव छ ।

चौध वर्षमा पनि बनेन मूलपानी

राष्ट्रिय गौरवका आयोजनाअन्तर्गत काठमाडौँको मूलपानीमा दुई क्रिकेट रङ्गशालाको निर्माण शुरू गरिएको १४ वर्ष भयो । मैदान बनाउन शुरू गरिँदा नेपाल डिभिजन ५ मा थियो । नेपाली खेलाडीले अहिले मुलुकलाई एक दिवसीय दिलाइसके तर मूलपानी मैदान अझै तयार भएको छैन ।

मूलपानीमा निर्माणाधीन दुई वटा रंगशालामध्ये एउटा खेल्न योग्य बन्ने अवस्थामा छ । तल्लोमा प्याराफिटको काम भइरहेको छ । बिनाअवरोध काम भए अबको छ महिनामा मूलपानी खेल्न योग्य मैदान बन्नेछ ।

रु १७ करोडमा मूलपानी मैदान निर्माणको ठेक्का पाएको प्रेरा मुन्ना एन्ड आचार्य जेभीले आगामी छ महिनाभित्र मैदान निर्माणको काम सक्ने जनाएको छ ।

नेपाली क्रिकेको इतिहास धेरै लामो छ । विसं १९७० को दशकमा बेलायत भ्रमण तथा भारतबाट पढेर फर्किने तत्कालीन राणा शासकहरूले क्रिकेट नेपाल भित्र्याएको पाइन्छ । तर, आफ्नै मनोरञ्जनका लागि भित्र्याएको खेल उनीहरुले जनस्तरमा ल्याएनन् । त्यतिखेर राणाका दरबार र टुँडिखेल क्रिकेट खेलिथ्यो ।

देशव्यापीरूपमा क्रिकेट विकास र विस्तार गर्ने उद्देश्यले २००४ सालमा नेपाल क्रिकेट संघको स्थापना पनि भयो ।

राणाकालमै स्थापित संघले २०१८ सालमा राष्ट्रिय खेलकुद परिषद् राष्ट्रिय संघको रूपमा दर्ता पायो । तर पनि २०४० को दशक अघिसम्म नेपालमा क्रिकेट लोकप्रिय भइसकेको थिएन । विसं २०४४ मा अन्तर्राष्ट्रिय क्रिकेट परिषद् (आइसिसी)को एफिलिएट सदस्य भएको नेपाल त्यसको दुई वर्षपछि एसियाली क्रिकेट परिषद् एसिसीको सदस्य बन्यो । विसं २०५२ मा आइसिसीको एशोसिएट सदस्य बनेपछि नेपाली क्रिकेटले अन्तर्राष्ट्रियस्तरमा प्रतिस्पर्धा गर्न थालेको हो ।

पहिलोपल्ट २०५२ सालमा मलेसियाको क्वालालम्पुरमा सम्पन्न एसिसी ट्रफीमा नेपालले अन्तर्राष्ट्रिय सहभागिता जनायो भने २०५५ सालमा नेपालले पहिलोपल्ट अन्तर्राष्ट्रिय प्रतियोगिता आयोजनाको अवसर पायो । त्यो वर्ष एसिसी ट्रफी आयोजना गर्दा नेपालले भौतिक पूर्वाधार निर्माणमा फड्को मा¥यो । कीर्तिपुर र पुल्चोकको क्रिकेट मैदान त्यही बेला बनाइएको हो । प्रतियोगितामा नेपाली टोलीले एउटै खेल जित्न नसके पनि दुई अन्तर्राष्ट्रियस्तरका मैदान बन्नु नेपाली क्रिकेटका लागि ठूलो उपलब्धि थियो ।

सन् २००२ मा सिंगापुरमा सम्पन्न एसिसी ट्रफीमा नेपाल उपविजेता भयो, उपाधि युएइले जित्यो । लगत्तैको वर्ष इमर्जिङ नेसन्स कप आयोजना गर्दा भुटान र माल्दिभ्सलाई सहजै हराएको नेपालले उपाधि नै जित्यो ।

त्यसयता लगातार अन्तर्राष्ट्रिय प्रतियोगितामा मिश्रित सफलता हासिल गर्दै अघि बढेको नेपाली टोलीले २००८ मा विश्व क्रिकेट लिग डिभिजन फाइभ खेल्न जर्सीको भ्रमण ग¥यो । समूह ए को शीर्ष टोली बनेर सेमिफाइनल पुगेको नेपाल अन्तिम चारमा अफगानिस्तानसँग पराजित भयो भने अमेरिकालाई प्लेअफमा हराउँदै तेस्रो स्थान हासिल गर्न सफल भयो ।

सन् २०१० को फेब्रुअरीमा काठमाडौंमा सम्पन्न डिभिजन फाइभ नेपालले जित्यो । अमेरिकालाई फाइनलमा हराएर जितेको त्यो नेपालको पहिलो उपाधि थियो । त्यही वर्ष भएको डिभिजन फोरमा नेपाल तेस्रो हुँदै रेलिगेशनबाट जोगियो । सन् २०१२ मा डिभिजन फोर जितेर डिभिजन थ्रीमा उक्लिएको नेपाल २०१३ को मार्चमा सम्पन्न डिभिजन थ्री मा पनि विजेता बन्दै डिभिजन टु मा उक्लियो ।

यस क्षेत्रका जानकारहरु भन्छन् – आजको आवश्यकता सक्षम नेतृत्वसहितको राजनीतिक हस्तक्षेपमुक्त स्वायत्त क्रिकेट बोर्डको हो जसले राष्ट्रिय तथा अन्तर्राष्ट्रिय क्षेत्रका सरोकारवाला निकायसँग समन्वय गर्दै समग्र नेपाली क्रिकेटको विकासमा नेतृत्वदायी भूमिका खेलोस् ।

भारतीय क्रिकेटर ऋद्धिमानले २० बलमा १०२ रन बनाएर तोडे क्रिस गेलको रेकर्ड

काठमाडौं । आईपीएलको संघारमा आइपुग्दा एक भारतीय क्रिकेटरले २० बलमा शतक प्रहार गर्दै हलचल मचाएका छन् । टिम इन्डियाका विकेटकिपर ऋद्धिमान साहाले २० बलमा शतक हानेका हुन् ।

शनिबार कोलकाताको कालीघाटमा जेसी मुखर्जी टुर्नामेन्टमा मोहन बगान र बीएनआर रिक्रिएशन क्लबबीचको खेलमा ऋद्धिमानले २० बल सामना गर्दै १०२ रन जोडे र सहज जित दिलाए । ऋद्धिमान साहले चार चौका र १४ छक्का प्रहार गरेका थिए । उनको स्ट्राइक रेट ५१० थियो ।

यसको साथै साहा टी(२० क्रिकेटमा सबैभन्दा तेज शतक बनाउने व्याट्सम्यान बनेका छन् । यसअघि यो रेकर्ड क्रिस गेलको नाममा थियो । क्रिस गेलले आईपीएल २०१३ मा पुणे वारियर्सविरुद्ध ३० बलमा शतक पूरा गरेका थिए ।

धनगढीमा क्रिकेटको क्रेज !

धनगढी, १० चैत : क्रिकेट खेलका गतिविधि बढ्दै जाँदा प्रदेश नं ७ को राजधानी धनगढी शहरको पहिचान र चिनारी क्रिकेट खेल बन्न थालेको छ ।

पछिल्लो समय खेलसँगै हजारौँ दर्शक जाडिन पुगेका छन् । क्रिकेट खेल्ने ‘मूर्ख’ र हेर्ने ‘महामूर्ख’ भन्ने भनाइ चले पनि पछिल्लो समय बढेको क्रिकेटको ‘क्रेज’ले सो भनालाई गलत सावित गर्दै क्रिकेट खेल्ने र हेर्ने दर्शक पनि बढाइदिएको छ । “चार दिवसीय वा पाँच दिवसीय क्रिकेट प्रतियोगिता हुने समयमा यस्तो धारणा समाजमा थियो”, पूर्वक्रिकेटर धरम खड्काले भन्नुभयो, “एक दिवसीय र २०/२० खेल खेल्ने चलनसँगै यो धारणा अब पुरानो भइसकेको छ ।”

खड्काले अप्रत्यक्ष रुपमा भए पनि क्रिकेटको प्रवद्र्धनमा सहयोग पु¥याउने उद्देश्यले धनगढीको वनदेवी रोडमा सञ्चालन गर्नुभएको ‘द क्रिकेट क्लासिक होटेल’मा प्रवेश गर्दा त्यहाँका टेबल, क्याविन र सुत्ने कोठा क्रिकेटको अवधारणमा तयार पारिएको देख्न सकिन्छ । क्रिकेटप्रति बढेको आकर्षणसँगै यस क्षेत्रमा खेलका प्रतियोगिता आयोजना हुने क्रम बढ्दै गएका छन् । हालै कैलालीको अत्तरियामा सर्वाधिक धनराशि पुरस्कार भएको महिला क्रिकेट प्रतियोगिता तथा क्लब र विद्यालयस्तरीय थुप्रै प्रतियोगिता सम्पन्न भइसकेका छन् ।

कतिपय विद्यालयले आफ्नो अतिरिक्त क्रियाकलापका रुपमा क्रिकेट प्रतियोगितालाई छनोट गर्दै यसका लागि प्रशिक्षक राखेकाले आगामी दिनमा क्रिकेटको व्यावसायिक थलोसमेत धनगढी बन्ने सम्भावना बढेको छ । क्रिकेटको विकास र बिस्तारका लागि धनगढी र खास गरी प्रदेश नं ७ का बिभिन्न जिल्लामा एक दर्जन बढी क्रिकेट एकेडेमीसमेत सञ्चालनमा आइसकेको छ । खेल व्यावसायिक रुपमा अघि बढ्न सक्ने सम्भावना रहेको खेलप्रेमी चेतराज ओझा बताउनुहुन्छ ।

क्रिकेटप्रति बढेको आकर्षणसँगै टोलैपिच्छेका बालबालिका र विद्यालयका छात्रछात्रा फुर्सदको समयमा आफ्नो घर वरिपरिको खाली चौर, बाटो र खेतमा क्रिकेट खेल्न तम्सिएका देखिन्छन् । धनगढी नगरपरिषद्को बैठकले पनि दुई वर्षअघि धनगढीलाई क्रिकेटको शहरका रुपमा विकास गर्ने निर्णय गरेको थियो ।

प्रदेश नं ७ क्रिकेटको उर्वरभूमि

क्रिकेटको उर्वरभूमि मानिने प्रदेश नं ७ ले थुप्रै राष्ट्रिय र अन्तर्राष्ट्रिय खेलाडी जन्माइसकेको छ ।

सो क्षेत्रले भुवन कार्की, सुनिल धमला, राजु रिजाल, दीपेन्द्रसिं ऐरी, विनोद भण्डारी, नरेश बुढाऐर, प्रदीप ऐरी, चन्द्र साउद, ललितसिं भण्डारी, दिलीपनाथलगायत क्रिकेट खेलाडी जन्माइसकेको छ । यस्तै ‘अण्डर १९’ टोलीमा सहभागी हुने भीम सार्की, सन्दीप जोरा, सुबोध ऐरलगायत खेलाडी यसै प्रदेशका हुन् ।

डिपिएलको तयारी

क्रिकेटको शहर धनगढीमा यही चैत १७ देखि शुरु हुन लागेको देशकै सर्वाधिक धनराशि पुरस्कारको रुस्लान धनगढी प्रिमियर लिग(डिपिएल)को तयारी हुँदैछ । सो प्रतियोगितामा भाग लिने सबै समूहमा खेलाडीको ‘अक्शन’ गर्ने काम पूरा भइसकेको छ भने मैदान तथा कालोपत्र तयार गर्ने काम अन्तिम चरणमा पुगेको छ ।

धनगढी उपमहानगरपालिका–३ मोहना नदी छेउको फाप्ला मैदानलाई अन्तर्राष्ट्रिय क्रिकेट मैदानका रुपमा विकास गर्ने लक्ष्यका साथ ‘ड्रिम फाप्ला’ अभियानअन्तर्गत शुरु गरिएको डिपिएल क्रिकेटको यस वर्ष दोस्रो संस्करण हुँदैछ । “ड्रिम फाप्लामा पुग्ने सिंढी नै डिपिएल हो”, डिपिएलका आयोजक एवं धनगढी क्रिकेट एकेडेमीका अध्यक्ष सुभाष शाहीले भन्नुभयो, “यसबाट फाप्ला मैदानलाई क्रिकेटको अन्तर्राष्ट्रिय मैदान बनाउन सरकारका निकायमा दवाव पुगेको महसुस भएको छ ।” एक वर्षअघि ‘ड्रिम फाप्ला’ अभियानको नेतृत्व गरेका शाही भन्नहुन्छ, “सबैको उत्साह देखेर हामीले ड्रिम फाप्लाको सपना देखेका थियौँ, यो अभियान सफलतामा पुगिछाड्ने छ ।”
क्रिकेटका गतिविधि बढ्दै गए पनि यस क्षेत्रमा क्रिकेट खेल्न स्तरीय खेल मैदानको अभाव शुरुदेखि नै खड्किएको छ । डिपिएललगायत क्रिकेट गतिविधिले विशेष गरी नयाँ पुस्ता र व्यवसायीमा बेग्लै खाले उत्साह पनि देखिन थालेको स्थानीयवासी क्रिकेटप्रेमी बताउँछन् ।

‘ट्यालेन्ट हन्ट’बाट खेलाडी छनोट

डिपिएलमा स्थानीय खेलाडीलाई स्थान दिन आयोजकले प्रतियोगितामा भाग लिने प्रत्येक समूहमा एक÷एक जना स्थानीय खेलाडी सहभागी गराउनुपर्ने मान्यता राखेर हालै ‘ट्यालेन्ट हन्ट’(प्रतिभा छनोट) विधि अपनाएर खेलाडी छनोट गरेको छ । यस्तो छनोटबाट पहिलो पटक डिपिएलमा सहभागी हुनेछ टिममा छ स्थानीय खेलाडीले सहभागी हुन पाउने मौका पाएका छन् ।

‘ट्यालेन्ट हन्ट’ मार्फत खेलाडी छनोट गर्दा एक खेलाडीको बढीमा रु २५ हजारको बोली लाग्दा स्थानीय खेलाडीले पहिलो पटक आम्दानी गर्ने अवसर पनि पाएका छन् ।

डिपिएललाई आइसिसीको मान्यता

अन्तर्राष्ट्रिय क्रिकेट काउन्सिल (आइसिसी)ले यहाँ आयोजना हुन लागेको ‘रुस्लान धनगढी प्रिमियर लिग’(डिपिएल)को दोस्रो संस्करणलाई मान्यता दिएको छ । आइसिसीको मान्यतासँगै प्रतियोगितामा सहभागी टोलीले कुनै पनि उच्चस्तरका विदेशी खेलाडीलाई टोलीसँग अनुबन्ध गर्न सहज भएको नभई नेपाली घरेलु प्रतियोगिताले अन्तर्राष्ट्रियस्तरमा थप महत्व र उचाइ हासिल गरेको छ । उक्त प्रतियोगितामा काठमाडौँ गोल्डन्स, विराटनगर किंग्स, रुपेन्देही च्यालेन्जर्स, सिवाइसी अत्तरिया, महेन्द्रनगर युनाइटेड र टिम चौराहा धनगढीको सहभागिता रहने जनाइएको छ ।

नेपालमा सर्वाधिक पुरस्कारको राशि भएको प्रतियोगिताको विजेताले रु २५ लाख, उपविजेताले रु १० लाख, तेस्रो हुने टोलीले रु तीन लाख र चौथो हुने टोलीले रु दुई लाख पाउने जनाइएको छ । क्रिकेट इतिहासमा नेपालले एक दिवसीय मान्यता पाउन सफल भएपछि क्रिकेटको शहर धनगढीमा खुशीयालीस्वरुप केही दिनअघि खेलप्रेमीले विजय जुलूस र दीप प्रज्वलन गरेका थिए ।-रासस

विश्वभरबाट नेपाली क्रिकेटलाई बधाईको ओइरो

काठमाडौँ । बिहिबार नेपालले अन्तर्राष्ट्रिय क्रिकेटको एकदिवसीय मान्यता पाएको छ । जिम्बाब्वेमा जारी विश्व कप क्रिकेट छनौट प्रतियोगितामा पपुआ न्यूगिनीलाई हराउदै एकदिवसीय टोलीको मान्यता पाएपछि संसारभरबाट नेपाली राष्ट्रिय क्रिकेट टोलीले बधाई र स्याबासी पाइरहेको छ।

सामाजिक सञ्जाल फेसबुक र ट्वीटरमा नेपालले क्रिकेट टिमको चर्चा प्रमुख विषय बनिरहेको छ। देश विदेशका चर्चित व्यक्तिहरू र क्रिकेट सम्बद्ध निकायहरूले नेपालको सफलताको मुक्तकण्ठले प्रशंसा गरेका छन्।

नेपाली क्रिकेट टोलीलाई सामाजिक सञ्जालमार्फत पूर्व प्रधानमन्त्रीहरू प्रचण्ड , शेरबहादुर देउवा र बाबुराम भट्टराई सहित कैयौँ अन्यले सामाजिक सञ्जालमा बधाई दिएका छन् ।

अन्तर्राष्ट्रिय क्रिकेट परिषद् आइसीसीले नेपालको उपलब्धिलाई ऐतिहसिक भन्दै नेपाली खेलाडीहरूले खुशी मनाइरहेको क्षणलाई आफ्नो ट्वीटर र फेसबुक खाताको मुख्य तस्वीर बनाएको छ।

बांग्लादेश र संयुक्त राज्य अमेरिका सहितका देशका क्रिकेट बोर्डहरू नेपाललाई बधाई दिएका छन् । विश्व क्रिकेटमा नाम चलेका कैयौँ खेलाडीहरूले नेपाली टोलीको प्रशंसा गर्दै सामाजिक सञ्जालमा आफ्ना धारणाहरू राखेका छन्।

अष्ट्रेलियाका पूर्व कप्तान माइकल क्लार्कले नेपाली क्रिकेट खेलाडी सन्दीप लामिछानेलाई सम्बोधन गर्दै ट्वीटरमा आफूलाई खुशी लागेको र यो नेपालको लागि गौरवपूर्ण क्षण भएको उल्लेख गरेका छन्।

त्यसैगरी पाकिस्तानका पूर्व कप्तान इन्जमाम उल हकले नेपाललाई बधाई दिँदै लेखेका छन्, ‘एकदिवसीय मान्यता पाएकोमा नेपाललाई बधाई, कति लोभलाग्दो यात्रा।’

आयरलण्डका चर्चित क्रिकेटर केभीन ओ ब्रायनले नेपाली राष्ट्रिय टोलीका कप्तान पारस खड्कालाई सम्बोधन गर्दै बधाई दिएका छन्। उनले लेखेका छन्, ‘ आफ्नो र नेपालको पहिलो प्रतियोगिताको प्रतीक्षा गरिरहेको हुनेछु।’

सन्दीपको भारतीय व्यवसायिक क्रिकेट लिग आइपिएल टोली दिल्ली डेयरडेभिल्सले पनि एकदिवसीय हैसियतका लागि नेपाललाई बधाई दिएका छन्।

नेपालले एकदिवसीय मान्यता पाए पनि यी देशसँग खेल्न पाउने छैन

काठमाडौं – जिम्बावेमा सञ्चालन भइरहेको एकदिवसीय विश्वकप क्रिकेट छनोटमा पपुवा न्युगिनीसँग विजयी भएपछि नेपालको ३० वर्षे क्रिकेट इतिहासमा नयाँ ढोका खुलेको छ ।

अब नेपालले चार वर्षसम्म एकदिवसीय र लिस्ट ए मान्यता पाएका राष्ट्रसँग खेल्न पाउनेछ । चार वर्षमा नेपालले विश्व क्रिकेट लिग, एसिया कप र इन्टरकन्टिनेन्टल कपजस्ता ठूलो प्रतियोगितामा प्रतिस्पर्धा गर्न पाउनेछ । यसबीच आइसिसी एकदिवसीय वरीयतामा नेपाल सूचीकृत हुनेछ ।

तर, एकदिवसीय मान्यता पाउँदैमा नेपालले अस्ट्रेलिया, भारत, इंग्ल्यान्ड, दक्षिण अफ्रिका, पाकिस्तान र न्युजिल्यान्डजस्ता राष्ट्रविरुद्ध खेल्न पाउने होइन । किनकि, उनीहरू पूर्ण रूपमा टेस्ट मान्यताप्राप्त टिम हुन् । नेपाल एसोसिएटका तर्फबाट एकदिवसीयमा मात्र प्रवेश गरेको छ ।

त्यसैले, अस्ट्रेलिया तथा भारतजस्ता टेस्ट मान्यताप्राप्त टिमसँग एकदिवसीय क्रिकेट खेल्न पनि आइसिसी र सम्बन्धित बोर्डको स्वीकृति पाउनुपर्छ । एसिया कपमा भने भारत, पाकिस्तान, श्रीलंका, बंगलादेश र अफगानिस्तानजस्ता टेस्ट मान्यताप्राप्त टोलीसँग सीधै प्रतिस्पर्धा हुनेछ ।

एकदिवसीय मान्यताप्राप्त राष्ट्रका रूपमा नेपालले आइसिसीबाट अब प्रतिवर्ष ७ देखि ८ करोड रुपैयाँ प्राप्त गर्छ । यो रकम क्रिकेटका स्तरीय प्रशिक्षक, विदेशमा अभ्यास भ्रमण, खेलाडीको भत्ता, सुविधा तथा नियमित प्रशिक्षणमा खर्च गर्नुपर्छ । आजको नयाँ पत्रिकाको पहिलो पृष्ठमा यो समाचार छापिएको छ ।

नेपालको अब एक दिवसीय खेल खेल्न पाउने

काठमाडौं – नेपाली राष्ट्रिय क्रिकेट टोलीले आइसीसी एक दिवसीय मान्यता सुनिश्चित गरेको छ । लिस्ट ‘ए’ क्रिकेट खेलिरहेको नेपालले अब ४ वर्षसम्म एक दिवसीय अन्तर्राष्ट्रिय खेलमा आफ्नो सहभागिता जनाउने छ ।

नेपालले आज पपुवा न्यु गिनीलाई ६ विकेटले हराउँदै विश्वकप छनोट प्रतियोगिताको सातौं स्थानको प्ले-अफमा प्रवेश गरेको थियो । त्यस्तै अर्को खेलमा नेदरल्यान्ड्सले हङकङलाई हराएपछि नेपालको एक दिवसीय मान्यता सुनिश्चित भएको हो । नेदरल्यान्ड्सले विश्व क्रिकेट लिगबाटै एक दिवसीय मान्यता सुनिश्चित गरेको थियो ।

विश्वकप छनोट प्रतियोगिताका शीर्ष ३ एक दिवसीय मान्यता प्राप्त नभएको राष्ट्रहरुले सो मान्यता प्राप्त गर्ने थिए । सुपर सिक्समा प्रवेश गर्न सफल स्कटल्यान्ड र युएईले तीनमध्ये दुई स्थान ओगटिसकेका थिए । हङकङको पराजयसँगै नेपाल एक दिवसीय मान्यता पाउने तेस्रो राष्ट्र हुन सफल भएको हो ।

एक दिवसीय मान्यता नेपाली क्रिकेटमा अहिलेसम्मकै ठूलो उपलब्धिमध्ये एक हो । अबको ४ वर्षसम्म विश्व क्रिकेट लिग, एसियन कप र इन्टर कन्टिनेन्टल कप जस्ता ठूला प्रतियोगिताहरुमा सहभागी भई नेपालले अनुभव बटुल्ने अवसर प्राप्त गर्ने छ । त्यस्तै नेपालले आइसीसी एक दिवसीय वरियतामा पनि स्थान पाउने छ ।

नेपालले पपुवा न्यु गिनीलाई ६ विकेटले हरायो

आईसीसी बिश्वकप क्रिकेट छनौट प्रतियोगिताको प्लेअफ खेलमा नेपाल पपुवा न्यु गिनीलाई ६ विकेटले पराजित गरेको छ । दीपेन्द्रसिंह ऐरीको दोहोरो योगदानमा नेपालले पपुवा न्युगिनीले दिएको ११५ को लक्ष्य २३ ओभरमा ४ विकेटको क्षतिमा पूरा गर्न सफल भयो । पपुवा न्युगिनीका चार विकेट चडकाएका ऐरीले व्याटिङमा पनि अर्धशतकीय योगदान दिएका थिए ।

ऐरीले ३ छक्का र एक चौकाको सहयोगमा ५८ बल खेलेर ५० रन पूरा गरेका थिए । नेपालका अन्य व्याटसम्यानहरुमा आरिफ शेखले २६ र कप्तान पारस खड्काले २० रनको योगदान गर्दा , आरिफ शेख ९ , ज्ञानेन्द्र मल्ल १ रनमा बाहिरिदा रोहितकुमार पौडेल नटआउट ३ रन बनाएका थिए ।

यस अघि सन्दीप लामिछाने र दीपेन्द्रसिंह ऐरीको उत्कृष्ट बलिङमा अल्झिएको पपुवा न्यु गिनीले आईसीसी बिश्वकप क्रिकेट छनौट प्रतियोगिता अन्तर्गतको प्लेअफ खेलमा नेपाल सामु ११५ रनको लक्ष्य प्रस्तुत गरेको हो । टस हारेर पहिला ब्याटिङको निम्तो पाएको पपुवा न्युगिनीले पहिले ब्याटिङ गर्दै निर्धारित पचास ओभरको खेलमा २७ दसमलब २ ओभरमा सबै विकेट गुमाउदै नेपाल सामु ११५ रनको झिनो लक्ष्य प्रस्तुत गरेको हो ।

पपुवा न्यु गिनीका ब्याट्सम्यान एकपछि अर्को गर्दै नेपाली बलरहरु समक्ष कमजोर साबित हुँदा पपुवा न्युगिनीका सिजेए अमिनीले सर्वाधिक १९ रन बनाउदा जे किलले १५ रन, टिपि उरा र एस बसुले समान एघार रन बाउदा असद भाला, सिए सोपेर, के डोरिङ्गाले समान दस रन बाउदा अन्य ब्याट्सम्यानले दोहोरो अंक छुन सकेनन् ।
टस जितेर बलिङ गर्ने निर्णय गरेको पारस खड्काले उत्कृष्ट कदम चाल्दा बलिङतर्फ नेपाल सन्दीप लामिछानेले स्पिन बलिङ मार्फत चमत्कार देखाए ।

त्यस्ते दीपेन्द्र सिह ऐरीले पनि उत्कृष्ट बलिङ गरेका छ्न। लामिछानेले ८ ओभर बलिङ गर्दा २९ रन खर्च गरि ४ विकेट हात पार्दा दीपेन्द्रले पनि ४ दसमलब २ ओभरमा १४ रन खर्चेर ४ विकेट लिएका थिए । दीपेन्द्र र सन्दीपले पपुवा न्यु गिनीका महत्वपूर्ण चार ÷ चार विकेट झट्काउदा करण र सोमपालले पनि एक एक विकेट प्राप्त गरे।

नेपालले पपुवा न्युगिनीलाई पराजित गरेको खण्डमा र अर्को प्ले अफमा हङकङलाई नेदरल्याण्डले पराजित गरेमा नेपालले एक दिवसीय मान्यता पाउनेछ । अहिले हङकङ र नेदरल्याण्डबीचको खेल जारी छ । नेपालले जितेमा र हङकङले नेदरल्याण्डलाई पराजित गरेमा नेपाल र हङकङ सातौँ स्थानको लागि प्रतिष्पर्धा गर्नेछ । त्यस्तै, सातौँ स्थानको विजेताले एक दिवसीय मान्यता पाउनेछ ।

नेपालले अफगानिस्तानलाई दियो एक सय ९५ रनको लक्ष्य, कप्तान पारस खड्काले गरे ७५ रनको योगदान

काठमाडौं । विश्वकप क्रिकेट छनोट अन्तर्गत नेपालले अफगानिस्तानलाई एक सय ९५ रनको लक्ष्य प्रस्तुत गरेको छ ।

टस जितेर पहिलो ब्याटिङमा उत्रिएको नेपालले सबै विकेट गुमाउँदै एक सय ९४ रन बनाएको थियो । नेपालका लागि कप्तान पारस खड्काले शानदार ब्याटिंग गर्दै ७५ रन बनाएका थिए । लिस्ट ए क्रिकेटमा पारसको यो ८ औं अर्धशतक हो ।

ओपनर अनिल शाह ७ रनमा आउट भएपछि पारस र उपकप्तान ज्ञानेन्द्र मल्लबीच ९८ रनको साझेदारी बनेपनि ज्ञानेन्द्रले ६९ बलमा २३ रन मात्र बनाएका थिए । त्यस्तै दीपेन्द्र सिंह ऐरीले ३२ रन तथा आरिफ शेखले २३ रन जोडे ।

अघिल्लो २ खेलमा टोलीमा स्थान नपाएका करण केसी ६ रनमा आउट हुन पुगे । नेपाली ब्याट्सम्यानलाई रोक्ने क्रममा अफगानिस्तानका मोहम्मद नावीले ४ विकेट लिए भने राशिद खानले ३ तथा शपुद जद्रानले समेत २ विकेट लिएका थिए ।